De la Iglesiaz gain, mahai-inguruan parte hartuko dutenen lagunen profila
• Carolina Bang, aktore kanariarrak bost urte daramatza Alex de la Iglesiarekin harreman profesionala zein pertsonala jorratzen. Arlo profesionalean, Bangek ekoizpen sorta garrantsitsua egin du, soilik De la Iglesiarekin batera egindakoari begiratuta ere. Telebistari dagokionez, 2008an eta 2009an, 26 kapitulutako "Pluton B.R.B. Nero" umorezko zientzia-fikziozko telesaioaren protagonista izan zen. Zineman, ordea, 2010ean "Balada triste de trompeta" egin zuen. Horrek Goya sarietarako izendapena ekarri zion. Hurrengo urtean, "La chispa de la vida" pelikula filmatu zuen. Aurten, oraindik muntaian dagoen "Las brujas de Zugarramurdi" estreinatuko du.
• Jorge Gerrikaetxebarria gidoigileak Alexekin lankidetzan horren pelikula gehienak idatzi ditu, eta oraintsu topo egin dute berriro "Las brujas de Zugarramurdi" filmean. Elkarrekin bizi ziren dagoeneko existitzen ez den etxe batean, "Mirindas asesinas" (1991) film laburraren, "Accion mutante" (1992) pelikularen eta abarren garaian. Bertan idatzi zuten "El dia de la bestia"-ren lehen bertsioa. Bilbon gertatzen zen eta deabruzko eraikina ez ziren Madrilgo dorreak, tigrea duen Deustuko etxea baizik.
Jose Luis Arrizabalaga "Arri", EHUko Arte Ederren Fakultateko Iizentziatua, Ikus-entzunezkoetan. Zuzendari artistikoa. Garai hartan aipatu eraikinaren maketa ikusgarria zeukan.
• Arturo Garcia "Biaffra" Arte Ederretan titulatua eta "Arri"-rekin batera zuzendari artistikoa, Alexek egin zituen gehienetan (Ledesmako etxean azpiko solairuan bizi ziren). Biek lortu zuten Arte zuzendaritzarik onenerako saria lortu zuten "El dia de la bestia"-gatik, 1995ean.
• Patxi Pagazaurtundua "Gudari", Produkzioko albokoa Alexen lehenengo filmetan, laguntzaile setatia Ibarretxe anaiekin telebistako "Las memorias de Karbo Vantas" (1994) telesailean eta gero, horiekin guztiekin, Panico Films SL-ko fundatzaileetako bat eta ekoizlea, Madrilen. Etxe horrekin egin ziren "800 balas!" (2002) eta "Crimen ferpecto" (2003), ekoiztetxea desegin baino lehen. Orain Produkzioko arduraduna da Morgan Filmsen, Bilbon.
Alex de la Iglesia eta berarekin zinean hasi ziren bost lagun mahai-inguruan solastatuko dira bihar EHUko Leioa eta Erandioko campusean. Ekimena, bihar, osteguna, izango da, 12:15etik aurrera, Zientzia eta Teknologia Fakultateko paraninfoan. Sarrera doakoa eta irekia izango da, toki guztiak bete arte. Topaketa eta mahai-ingurua Patxi Urkijo Arte Ederren Fakultateko Arte eta Teknologia Saileko irakasleak antolatu ditu. Bertan, Alex de la Iglesia zuzendaria eta zinearen munduan hasi zenean lagundu zioten bost adiskide elkartuko dira paregabeko topaketa horretan. Jorge Gerrikaetxebarria, Jose Luis Arrizabalaga "Arri", Arturo Garcia, "Biaffra", Patxi Pagazaurtundua "Gudari" eta Carolina Bang dira aipatutako profesionalak. Urquijoren aburuz, “zaila izango da mahai baten inguruan guztien argazkia berriro egitea, bizitza dela eta”. Argazkian, Alex de la Iglesia 2010ean, "Alicia en el país de las Maravillas" filmaren aurkezpenean / cc-by-sa Angel Rodriguez-Rey .
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun