Ekitaldian doktore eta tesien bilakaeraren deskribapen xehatua eskainiko da. Joan den urtean tesi kopuru hauek irakurri ziren ondoko jakintza arloetan: 89 Zientzietan, 82 Gizarte eta Lege Zientzietan, 71 Ingeniaritzan eta Arkitekturan, 52 Artean eta Giza Zientzietan eta 49 Osasun Zientzietan. Azpimarratzekoa da horietatik 88 nazioartekoak izan zirela eta 29 euskaraz aurkeztu zirela.
Ekitaldiak Iñaki Goirizelaia errektorea izango du buru eta hitzaldi nagusia Teresa del Valle doktoreak emango du, EHUko Gizarte Antropologiako katedradunak, honako gaiaz: “La igualdad en la centralidad del progreso genuino”.
Egitaraua, arratsaldeko 6etatik aurrera
• Segizioaren sarrera.
• EHUko doktore berriak izendatzeko aktaren irakurketa, Master eta Doktorego Eskolako zuzendariorde Jose Antonio Sanchez Galiindez jaunaren eskutik.
• Master eta Doktorego Eskolako zuzendari Gabriela Chotro andrearen hitzaldia.
• Doktoregoko Sari Berezia lortu dutenei saria ematea.
• EHUko Gizarte Antropologia Katedradun Teresa del Valle doktorearen hitzaldia: "La igualdad en la centralidad del progreso genuino".
• Doktore berrien izendapena.
• Ohorezko aurreskua.
• Euskal Herriko Unibertsitateko errektore Iñaki Goirizelaia Ordorika jaunaren hitzaldia.
• EHUko Koruaren emanaldia.
Bihar, ostirala, Euskal Herriko Unibertsitateak omenaldia egingo die 343 doktore berriei, bere tesia 2012an irakurri zutenei, alegia. Ekitaldia Leioa eta Erandioko campuseko Areto Nagusian egingo da, arratsaldeko 6etatik aurrera. Bertan izango dira doktore izendatuko dituzten 184 emakumezkoak eta 159 gizonezkoak. Horrekin batera, 2009/2010 ikasturteko doktoregoko 32 sari bereziak ere emango dira. Sari horiek EHUk ematen dizkie nazioartean balioespen onena jaso duten tesiei, betiere ibilbidea bi urtez ebaluatu ondoren. Doktore berriak izendatzeko ekitaldiaren ospakizunarekin unibertsitateak azpimarratu egin nahi du "zer garrantzizkoa den doktoregaientzako prestakuntza eta horrek zer dakarren plano akademikoan eta profesionalean". Datorren ikasturtean, 2013-14an, EHUk, 104 master ofizial eta 71 doktorego programa eskainiko ditu. Horietatik, parte hartutako lehiaketan, 32 aukeratu dituzte Espainiako Estatuko unibertsitate guztien artean "bikaintasuneranzko aipamendun doktorego" gisa. Era horretara, "EHU liderra bilakatu da ikertzaileen prestakuntzan", EHUko arduradunen esanetan. Argazkia: © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun