Ostiralean Larrabasterran eta Algortan egin bezala, gaur arratsaldeko 8etan, Amagoia Elezkano 26 urteko emakume gaztearen erailketa eta indarkeria sexista salatuko dituzte Leioako bulebarrean. Leioako Bilgune Feministaren aburuz, "aurten dagoeneko Euskal Herrian hiru izan dira genero indarkeriagatik eraildako emakumeak". Hilketa ostegun goizean izan zen, ustez 49 urteko gizonezko batek, bikotekideak, hainbat labankada emanda. Ertzaintzak gizona atxilotu eta epaileak Zaballako espetxera bidali zuen. Argazkian, 2012ko azken elkarretaratzea Leioan azaroaren 28an izan zen, Tere Egurrola Asparrenako emakumearen ustezko erailketa salatzeko.
Amagoia Elezkanoren hilketa aurten emakumeen erailketa sexista salatzen den hirugarren aldia da eskualdean. Aurrekoa otsailaren 2an izan zen, Antsoainen urtarrilaren 31n labankadaz eraildako 43 urteko M.M.O.-ren heriotza salatzeko ekimena. Kasu hartan, bertsio ofizialak baztertu egin zuen bortxakeria matxistaren hipotesia. Bestalde, hil honen 13an salatu zuten Algortan oraindik argitzeke dagoen Gasteizko auzia. Aurretik, maiatzaren 9an, Maria Angeles M. eta Agustin G. senar-emazteen gorpuak aurkitu zituzten Gasteizko Lakua auzoko etxebizitza batean. Zenbait egun zeramatzaten hilda eta Segurtasun Sailak ezin izan zuen baieztatu genero indarkeria kasua izan ote zen edo bikoteak beren buruaz beste egin zuen. Andrak 53 urte zituen eta gizonak 61.
Indarkeria sexistaren kontrako protokoloa
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun