Txakurrak aske paseatzeko lekuak aztergai
Era berean, aurrera eramandako ikerketak txakur askeentzako espazioak izateko beharra aztertu du; "txakur txartel" bat sortzearen posibilitatea, hainbat azpiegituratan sartu ahal izateko interesa, “txakurrentzako udal zaindegiak”, animali horientzako ibilbide edo jolas zonaldeak eta txakurrentzako parkeak.
Inkestetan, %62ak (inkestaturiko ia bi heren) txakurrak libre paseatzeko espazioak sortzearen beharra defendatzen du, kontrakoa pentsatzen duen %33aren aurrean.
%46ak Udalak txakur txartela sortzearen aukera nahiko edo oso interesgarria dela uste du, %20ak baduela nolabaiteko interesa eta %25ak ez du ekimen hori egoki ikusten. Ekimen horren bidez, frogak eginez eta beharrezko trebatzearen bidez, trebetasun nahikoa dela egiaztatuko litzateke, horrela zerbitzu publikoetara (garraio publikoa esate baterako) sartu ahal izateko edo espazio jakin batzuetan txakurra askatu ahal izateko.
Azkenik, eta ekipamenduei dagokienez, txakurra duten eta ez duten pertsonen artean interes handiena sortzen duena txakurrentzako parke bat sortzearena da, ibilbide edo “zaindegiak” bezalako beste proposamenen aurrean. Lehen bezala, gazteek, 18 eta 24 urte bitartekoek, puntuazio handiena ematen diote (7,8), eta 35 eta 44 urte bitartekoek baxuena ematen dute (4,5).
Txakurrak duten eta ez dutenen arteko bizikidetza "egokia" dela dio Getxoko Udalak
Aisialdi zonaldeetan txakurrak dauzkaten eta ez dauzkaten pertsonen arteko bizikidetza "egokitzat" jotzen dela zabaldu du Getxoko Udalak, prentsa ohar baten bidez. Udalak iazko amaieran egindako ikerketarako burutu zuen zundatzean oinarritzen da. Tokiko datuen arabera, ikerketa hura Getxo udalerriko 1.200 pertsonako laginean oinarritu zen eta hurrengoa adierazten zuen: %41ak bizikidetza "nahiko egokia edo oso egokia" dela uste zuen; %36ak "nolabaiteko egokitasuna" duela uste zuen. Azkenik, %19ak "ez oso egokia edo batere egokia ez" dela uste zuen. %4ak, ordea, ez zuen iritzirik eman. 18 eta 24 urte bitarteko gazteak dira bizikidetza horren egokitasunari puntuaziorik altuena ematen diotenak (hamarretik 7,9 puntu). Ordean, 35 eta 44 urte bitartekoek 5,2 punturekin ebaluatzen dute. Bizilekuari dagokionez, Neguri eta Getxoko bizilagunek notarik altuena ematen dute (6,2 eta 6,1 hurrenez hurren). Bestalde, Itzubaltzeta / Romoko bizilagunek 4,8 punturekin kalifikatzen dute. Argazkian, txakurren jabeen manifestazio bat orain hiru urte Sopelan, artxiboko irudian / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun