Batzarra hastear zegoela, unibertsitate sistemako ikasleen ordezkariak ohartu ziren Saileko arduradunak bilerari hasiera emango ziola batzarburu izan behar zuena, Unibertsitate sailburuordea, bertan ez zegoen arren. Aurreko bileran ere egoera berdina gertatu zen. Hala, Uriarte sailburua (lehendakaria) edo Alkorta sailburuordea (kargua eskuordetu zitzaion 2013ko otsailaren 21eko Agindu bidez, EHAAn argitaratutakoa) bertan egon gabe bilera egin zitekeen galdetu zuten ikasleek; erantzun kontraesankorrak jaso zituzten. Horrez gain, ikasleen ordezkariek galdetu zuten ea Sailak zergatik ez zuen igorri planteatutako gaiak landu ahal izateko beharrezko dokumentazioa, aurreko bilera batean eskatu bezala.
EHUko Ikasle Kontseilua
EHUko Ikasle Kontseiluak etsipenez hartu du Unibertsitate sailburuordeak Euskadiko Unibertsitateko Ikasleen Aholku Kontseiluan egindako plantoa. Joan den asteazkenean, maiatzaren 22an, sailburuordeak deialdia egin zien EAEko hiru unibertsitateetako ikasleen ordezkariei, 2013/2014 ikasturtera begira prezio publikoen eta unibertsitate beken deialdien gaiak lantzeko; ikasleek, baina, ezustekoa hartu zuten ustekabean organo buru izan behar zuena bertaratu ez zela ikusi zutenean. Horrenbestez, Uriarte sailburuari eskaera egin zaio organo honi duen garrantzia eman diezaion eta hezkuntza sistemaren ardatza ikasleak direla benetan sinesten badu, organo buru izan dadin. Ikasle Kontseiluak jakinarazi nahi du joan den asteazkenean Unibertsitate sailburuordeak planto egin ziela unibertsitateko ikasleei, berak deitutako bilera batean Unibertsitate zuzendaria besterik ez baitzen agertu (organoko kidea da). Bilera horretan, besteak beste, “2013-2014 ikasturterako unibertsitate beken deialdian” egingo diren murrizketak aztertu behar zituzten, baita “unibertsitate hezkuntza zerbitzuen prezioa publikoak” ere. Argazkian, Ikasle Kontseiluaren batzar bat / © A. Encinas - EHUko Ikasle Kontseilua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun