Plaza Beltza kolektiboak, eta bertan lan egiten dutenak, tartean Uribe Kostako Agroasanbladak eta Sopelako kontsumo taldeak, herriko ekimenetan parte hartzen segituko dute "orain arte bezala". Ekainean zehar, lokalaren erabilerari dagokionez, hainbat jarduerek jarraituko dute: kontsumo taldeak, ogia, programatutako bilerak, eta abar. "Kasu horietan ordutegia ez da ohikoa izango, beharretera mugatutakoa baizik", aurreikusi dutenez.
Bestalde, Plaza Beltzako liburutegitik hartutako eta ez itzulitako maileguak bueltatzeko, banan banan kontaktuan jartzen saiatuko dira. Bestelako galderarik edukiz gero, Plaza Beltzako kideekin harremanetan jartzea eskatu dute.
Plaza Beltza kolektiboa 2006ko udazkenean sortu zen, "kultura plazaratzeko eta ideiak zabaltzeko" asmoz, eta 2006ko abenduaren 23an burutu zuen bere lehenengo ekimena, bigarren eskuko liburu azokatxoa. Hasieratik lokala irekitzea izan zuten jomugatzat eta hasiera batean, helburu horrekin dirua irabazteko liburu azokak eta jaiak izan zituzten hizpide. Lokala hitzartuta, lan luzea izan zuten aretoa egokitzeko, taldea sortu eta hiru urtetara estreinatu zutela. Handik aurrera, makina bat ekitaldi burutu dituzte, hitzaldiak, liburu aurkezpenak, bideo-forumak eta baita kontzertuak ere, dena Sopelari kultur, politika eta jendarte topagune parte-hartzailea emateko zein irakurzaletasuna bultzatzeko asmoz. Urteetan batutako kalitatezko materialari Likiniano eta Gatazka proiektuek utzitako liburu, aldizkari, fanzine eta DVD bildumak batu zitzaizkion ere, liburutegi oso hornitua baina bisita gutxikoa osatuz.
Orain hiru urte eta erdi irekitako Plaza Beltza kulturgunearen lokala gaur betiko itxi dute, elkarteak jakinarazi duenez. Iaz, Sopelako jaiekin batera udako oporraldia hartzeko itxi zuten lokala, udazkenean bueltan izateko. Aurtengo egoera, aldiz, erabat ezberdina da, proiektuko kideek azaldu dutenez. "Hilabete honetan zehar lokalez aldatu behar dugu. Hau da, gaur egun ezagutzen dugun Plaza Beltza Kulturgunea betiko itxita geratuko da", ohartarazi diete bazkide, erabiltzaile, auzokide eta lagunei. Izan ere, jabeak abenduan sei hilabetez besterik ez zien luzatu kultur lokalaren lagapen hitzarmena. Orain, Plaza Beltza kolektiboaren helburua beste lokal bat hartzea da, "eta horretan lanean gabiltza". Horretarako, leku aldaketa egin beharko dutenez, "zuek guztion laguntza eskertuko dugu. Datozen asteetan egin beharreko lana oso handia izango da eta proiektu honetan sinisten duzuenon inplikazioa garrantzitsua izango da proiektua beraren etorkizunerako", zabaldu diete gertukoei. Argazkian, lokalaren inaugurazioa 2009ko azaroaren 6an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun