Ekimeneko kartela
Euskal Surf Zirkuituaren lehen proba hartuko du Arrietara hondartzak asteburuan
Surf zaleak itsasoari begira izango dira gaur eta bihar Sopelan. Izan ere, Arrietara hondartzan olatuen gaineko ikuskizuna emango diete Euskal Surf Zirkuituaren partaideek. 18 emakumezkoek eta 66 gizonezkoek zamalkatuko dituzte olatuak eta Monster-ek babesten duen lehiaketa horretako lehen proban arituko dira. Halere ez da lehenengo saiakera izango, pasa den astean bertan behera utzi behar izan baitzuten Arrietarako deialdia, itsasoaren egoera txarra zela eta. Zarautzek eta Mundakak hartuko dituzte hurrengo saioak. Gaur, gizonezkoak arituko dira, goizeko 7:45ean kontrolean egon beharko direla, 8etan Open Surf 66 errondarekin hasteko. Ondoren, 8:40ak aldera, Open Surf 64 errondaren txanda izango da. 13:00etan, berriz, Open Surf 32 errondaren unea izango da. Azkenik, 15:40ak aldera Open Surf 1/4 proba egingo den oraindik ikusteke dago. Besteak beste, Aritza Saratxaga, Endika Garai edo Natxo Gonzalez Peña Txuriko surflariak izango dira bertan. Argazkian, Garazi Sanchez getxoztarra eta beste emakumeak igandean lehiatuko dira / © Garazi Sanchez.
Bihar, igandearekin, emakume surflarien lehiaketa izango da. Besteak beste, Garazi Sanchez getxoztarrak eta Leticia eta Loiola Canales ahizpa sopeloztarrek parte hartuko dute. Gaur bezala, 7.45ean pasatu beharko dute kontrola 18 partaideek, proba 8etan hasteko. Finalak 12.40ak aldera aurreikusi dituzte eta sari emanaldia, berriz, arratsaldeko 2etan. Asteburu honetan, zirkuitu osoan banatuko diren 9.000 euroetatik herena jasoko dituzte lehen sailkatuek. Gizonezkoen sariak 2.420 euro izango dira eta emakumezkoenak, berriz, 580 euro, besterik ez.
Ekimeneko kartela
Ekimeneko kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun