Bizkaiko 600aren Lagunen elkarteak XIX. EAEko 600aren Eguna ospatzen dabil asteburu honetan. Bart, Bilbon eta Loiun aritu dira eta gaur, berriz, Areetan ikusi ahal izango dira Seat markako antzinako auto txiki baina ikusgarri horiek. Izan ere, goizeko 10etan Areetako Xake plazan egingo zaie ongi etorria autoei zein gidari eta lagunei, eta ordubete beranduago, dantza erakustaldia egingo die Berantzagi bertako dantza taldeak. 11:30ean, dagoeneko ohikoa bihurtu den “Sardina jan handia eta ardoaz” gozatuko dute Adiskidetasuna kalean, ondoren Bizkaiko Zubira bisita egiteko. Goikaldetik Ibaizabal eta Abra osoa ikusteko parada izango dute. 13:30etik aurrera, 600 markako autoak udalerrian barrena ibiliko dira eta Igeretxe hotelaren parean aparkatuko dute, bertan egingo baitituzte bazkaria eta sari banaketa ekitaldia. Argazkian, iazko kontzentrazioa Areetan / © Chetta600 - Bizkaiko 600aren Lagunen elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun