Euskalmetek esan duenez, oso litekeena da zaparrada ekaiztsuak izatea, baita gogorrak izatea ere, 20-30 mm/h-ko intentsitatearekin; halere, ez da baztertzekoa nukleo garatuagoren batek intentsitate oso handiak uztea, 30 mm/h-tik gorakoak.
Gainera, nukleo ekaiztsu ezberdinek eremu berean ere eragin dezakete; ondorioz, 12 ordutan 60 mm inguruko prezipitazio-kantitateak pila daitezke, baita hortik gorakoak zenbait tokitan ere.
Egoera bera izango da bihar goizaldean agian Gipuzkoan eta Arabako ekialdean, ezegonkortasun-lerroa Pirinioetarantz mugituko baita. Bihar arratsaldean ere baliteke ekaitzak sortzea, baina beste ezaugarri batzuk izango dituzte, eta ez dira hain gogorrak izango. Dena den, gerta liteke baten bat intentsitate handikoa izatea.
Horrenbestez, datozen 24 orduetan kontuz ibiltzea gomendatzen da; izan ere, zaparrada ekaiztsuak orokorrak, intentsitate handikoak eta prezipitazio gogorrekin izan baitaitezke, baita kazkabarra eta haize-bolada oso bortitzak ekarri ere.
Eusko Jaurlaritzako Segurtasun Sailak ohartarazi duenez, "kontuan hartu behar da egoera horiek ez direla batera ziurrak, eta iragartzen zailak direla; beraz, zaintzaren bidez egoerari jarraitu behar zaio, eta iragarpenen eguneratzeei adi egon beharra dago". Horretarako Euskalmeten webgunea eta Twitter kontua jarraitzea aholkatu dute.
Eusko Jaurlaritzako Segurtasun Sailak alerta laranja ezarri du gaur arratsaldean eta gauerdira arte, prezipitazio-intentsitate oso handia izan dezaketen ekaitzengatik. Euskalmet Euskal Meteorologia Agentziak iragarri du aire hotzeko masa bat pilatuko dela garaiera handietan. Masa horrek gaurko eguraldian eta bihar larunbateko lehen orduetakoan eragingo du. Ezegonkortasuna areagotu egingo da gaur arratsaldetik aurrera, eta baliteke prezipitazio-intentsitate handiak eta eguraldi latza eragiten dituzten ekaitzak eratzea, Euskalmeten iritziz. Iragarpenaren arabera ezegonkortasun-lerro bat eratuko da gaur arratsaldean; pixkanaka ekialderantz joko du, baina gune ekaiztsuek ipar-hego norabidea hartuko dute. Horrela bada, ekaitzak iparraldetik sartuko dira, geroago kostaldera iristeko; ondorioz, Bizkaian ez ezik Gipuzkoan eta Araban ere eragingo dute. Argibide gehiagorako, kontsultatu UKBERRI.NETeko eguraldi zerbitzua. Argazkian, hainbat neska aterki azpian, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun