Bizkaiko Txakolin Jaialdia hartuko du bihar, larunbata, Algortako Biotz Alai plazak. Eguerditik eta gaueko 10:30ak arte, ardoen festa horrek Bizkaiko upategien "lan bikaina" ezagutzera ematea dauka helburu, horretarako 19 upeltegik haien edariak aurkeztuko dituztela, Bizkaiko Txakolinaren Kontseilu Arautzailearen eskutik. Zoritxarrez, eskualdeko ekoizlerik ez da egongo. Azokan, azaldutako zenbait dastaketa ere egingo dira, janariaren zaporeekin "jokatzen" ikasteko eta, aldi berean, ardo honen zenbait barietate antxoa-gildarekin, foie zein onddoen mokadutxoarekin edo mendrezkarekin ondo baino hobeto doazela "nabarmentzeko". Anton Txapartegi Kontseilu Arautzaileko idazkariaren esanetan, "honelako ekitaldiak oso hezigarriak dira, tabernetan Bizkaiko txakolina eskatzeko eta txikiteorako, sarreretarako edo menuaren gaineratikorako zer txakolin den egokiena bereizten jakiteko”. Argazkian, pasa den asteartean, Bizkaiko txakolinen dastaketa egin zuten Algortako Igeretxe hotelean / © Bizkaiko Txakolinaren Kontseilu Arautzailea.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
