Herri gisa batzen gaituzten jai egun propioak izateak duen garrantzia ikusita gogoratzen diegu, bere garaian Udalbiltzak mahai gainean jarritako proposamena: martxoaren 8 Emakumeon nazioarteko eguna, ekainak 24 Udako solstizioaren eguna eta abenduaren 3 Euskararen eguna.
Euskal nortasuna eta nazio identitatea desitxuratzeko helburua duten egiturazko neurriak desagerrarazteko, indarrak batzea eskatzen diegu, Euskal Herria aitortu eta errespetatzen duten indar politikoei; eta beraien jarduna Euskal Herriaren mesedetan gauzatu dezatela.
Bai Euskal Herriari
Berri pozgarria da Araba, Bizkaia eta Gipuzkoako legebiltzarretik iritsi zaiguna. Nahiz eta Euskal Herrian indarrean dauden lan egutegi zatikatzaileen arazoarekin ez amaitu, urriaren 25eko jai eguna kentzea, norabide zuzenean emandako pauso gisa baloratzen dugu Bai Euskal Herriari ekimenetik. Euskadiren eguna deiturikoarekin Euskal Herriak jadanik pairatzen duen egutegi zatiketan sakontzea beste helbururik ez zuten PSOE eta PPk. Erabaki honekin, euskal lurraldetako taupada edo erritmoak gehiago desorekatu eta Euskal Herriaren nazio izatea desitxuratzeko egindako apustuari topea jarri zaio. Bai Euskal Herriari ekimenetik, ausartak izatea eskatzen diegu euskal alderdiei eta urriaren 25ekoaren bidetik, urriaren 12, abenduaren 6, uztailak 14, azaroak 11 eta maiatzaren 8ko jai egun arrotzen aurrean ere jarrera bera mantendu dezatela eskatzen diegu. Argazkian, urriaren 12ko jaiaren aurka Algortan jarritako kartel bat artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun