Guardia Zibileko agenteek eta Santurtziko Itsas-Salbamendu Zentroko (Sasemar) kideek goizean egindako larrialdi simulazioa ikusgai izan da Algortako Arriluzeko pasealekutik zein Ereagako kaitik edo Algortako kirol portutik bertatik. Auzokideen zalantzazko begirada eta adierazpenen artean gauzatu da Algortako kirol portuko gurutzontzi kaian Espainiako Gobernuak EAEn duen Ordezkaritzak antolatutako itsas-erreskatearen simulazioa. Ariketa gertutik jarraitu du Carlos Urquijo Gobernuko ordezkariak, Ignacio Erice Bizkaiko Azpiordezkaritzako arduraduna, hainbat armadore pribatuak eta Itsas Gurutze Gorriko kideak lagun izan dituela. Argazkian, Carlos Urquijo, ezkerrean, larrialdi-simulazioari so / cc-by-sa Espainiako Gobernuaren Ordezkaritza EAEn.
Goizeko 10:45etik aurrera, bi belaontzik "talka" egin dute Algortako urtean, haietako batean su bat piztu ostean. Istripuaren ondorioz hainbat naufrago suertatu dira Kantauri Itsasoan, uretan bizirautea saiatu direnak. Une horretan abiatu da erreskate ekimena. Berau aurrera eramateko, Maria de Maeztu itsas-salbamendu itsasontziak, E/S Salvamar Acyone ontziak eta Guardia Zibileko eta Itsas Salbamenduko helikoptero banak hartu dute parte. Era berean, Itsas Gurutze Gorriko eta Bilboko Portu Agintaritzaren Aurreikuspen eta Ingurumen Zerbitzuko unitateak ere izan dira bertan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun