"Udalari baimena eskatzeaz aparte, gure herriko enparantzak erabiltzeagatik neurriz kanpoko prezioak ordaindu behar ditugu. Gazteok espazio hauek erabiltzeko eskubidea dugu herriko ume, gazte eta helduei eskainitako ekimenetan, ekonomikoki baldintzatuak izan gabe. Gaurko eguna aurrerapauso bat izango da borroka honetan. Erakutsi diezaiegun gazteok gogo eta indarrak soberan ditugula gurea zena aldarrikatzeko", adierazi du AGAk.
Egitaraua:
09:30 Triatloia.
11:00 Azoka.
11:30 Umeentzako tailerrak.
13:00 Iturri txapelketa.
15:00 Bazkari autogestionatua.
17:00 3x3 funbito txapelketa.
20:00 Kontzertuak.
22:00 Poteo autogestionatua.
Egun osoan zehar, murala, kantina eta sorpresa gehiago!
"Plaza berreskuratu!" lelopean, larunbat honetarako, ekainak 14, egitarau zabala antolatu du San Nikolas plazan Algortako Gazte Asanbladak (AGA). Aipatu eragileak salatu duenez, "badira lau urte Getxoko Udalak Txiki Otaegi enparantza kendu zigunetik Getxo Antzokia makroproiektua aurrera eramateko. Gazteon beharrak etengabe alde batera utziz, beraien interesak soilik begiratzen dituzte". AGAk azaldu duenez, "Txiki Otaegi enparantza gazteok geneukan espazio bakarra zen, bertan bizitza egiten genuelarik. Adin, koadrilla eta belaunaldien arteko elkargunea zena, plaza artifizial soil batean bihurtu nahi dute, eta gazteok horren kontra gogor ekin behar diogu". Baina, nezka-mutilen ustez, arazoa ez da bakarrik toki horretara mugatzen: "gure herriko auzo eta karrika guztietan zailtasunak ditugu edonolako ekimen eta dinamikak garatzeko". Gauzak horrela, espazio publikoaren erabilera zabalaren alde borrokatzea izango da Algortako Gazte Asanbladaren oraingo erronkarik garrantzitsuena. Argazkian, jendetza Algortako San Nikolas plazan Getxo Antzokiko lanak hasi aurretik egindako ekitaldi batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun