EKEk kaltetutako kide guztiekin bat egiten du, bere lanpostua galdu dutenekin, bereziki, eta baita enplegua erregulatzeko espedientearengatik bere lanpostua arriskuan ikusten dutenekin.
Bestalde, EiTBko zuzendaritzari aurrekontuen txikiagotzearen ondorioz emandako murrizketek bere komunikabideen eduki informatiboetan eta bere langileengan gutxieneko eragina izan dezaten premiatzen diogu.
Euskal Kazetarien Elkartea
Euskal Kazetarien Elkarteak bere elkartasuna adierazten die M4F produkzio-etxeko lankideei, EiTBko multimedia edukiak eta webgunea lantzeaz arduratzen direnei, alegia. Aste honetan, M4Fk enplegua erregulatzeko espedientea aurkeztu du. Guztira, EITBko egoitzan lan egiten duten 31 langileri eragingo die espedienteak. Horietatik, 27 kalera joango dira eta bere lanpostua mantenduko dutenen 4 langileen lanaldia %50 murriztu egingo da. Gainera, 2012ko abendutik enpresak beste 14 lankide kaleratu ditu. Hau da, sei hilabete baino gutxiagoko denbora tartean, jardunaldi osoan zeuden 45 langiletik, jardunaldi erdira dauden 4 langilera murriztu egin da kopurua. Langileen murriztapen zorrotz honek ez du soilik lanpostuen galera garrantzitsua suposatuko, webgunearen egituran eta edukietan ere ondorio larriak izango baititu. Argazkian, Eitb.com webgune berritua aurkeztu zuten 2008ko irailaren 19an / © Eitb.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun