Sei kartelen artean aukeratuko dute herritarrek aurtengo Algortako jaietako irudia

Aurretik zeuden bost kartelekin batera, seigarren bat izango da, horien guztien artean, aurtengo Algortako San Inazio jaietako irudia izango dena aukeratzeko. Jai batzordeak azaldu duenez, "epez kanpo izan bada ere kartel hau heldu berri zaigu eta eskaintza zabaltzea aproposagoa litzatekeela pentsatu dugu. Bozkatua izateko egun gutxiago izango baditu ere ez dadila aukera gabe geratu. Irabaz dezala onenak!". Bozketan parte hartu nahi duen guztiak mezua bidali beharko du aixerrota.jaibatzordea[abildua]gmail.com helbide elektronikora, izenburuan "Kartel Lehiaketa" jarriz eta edukian aukeratu duen kartelaren zenbakia zehaztuz: "Kartela 1", "Kartela 2, "Kartela 3", "Kartela 4", "Kartela 5" eta "Kartela 6". Horrenbestez, ekainaren 17a, astelehena, arratsaldeko 6ak arte, izango da bozkatzeko azken eguna. Irabazlea zein den erabaki artean, aurkeztutako kartelen egileen izen-abizenik ez du emango jai batzordeak. Gogoratu, uztailaren 27tik 31ra bitartean ospatuko direla aurten Algortako San Inazioak. Boto gehien jasotzen dituen kartela izango da horien irudia. Horren egileak, berriz, 100 euro jasoko ditu. Izan ere, Getxoko Udalak ezarritako murrizketak direla eta, kartel lehiaketaren saria ere txikitu behar izan dute.