Halere, ertzainek ingurua miatu eta baserriko ateak bortxatuta zeudela eta hainbat gela hankaz gora zeudela ikusi zuten, bertsio ofizialaren arabera. Gainera, eraikinaren aurrean dagoen nekazaritza-lanabes eta tresnetarako txabolako atearen giltzarrapoa lurrean omen zegoen, puskatuta.
Hori ikusita, eta, hainbat ikerketa egin ondoren, lau lagunak atxilotu egin zituzten, indarkeriazko delitu bat egotzita. Ertzaintzak autoaren maletategian hainbat motxila huts eta zulagailu bat zuen maletatxo bat aurkitu zutela zabaldu du.
Atxilotuak datozen orduetan epaitegira eramango dituztela adierazi du Segurtasun Sailak. Halere, Ertzaintzak ikertzen jarraitzen du, lau atxilotuak azken hilabeteetan mugape horretan "batik bat landa-inguruetako etxebizitzetan eta nekazaritza-lanabes eta tresnetarako txaboletan" izandako antzeko lapurrekin lotuta egon daitezkeelakoan. Modus operandi berbera da guztietan: goizez egin dituzte lapurretak, eta leihoak eta ateak bortxatu dituzte.
Poliziaren ustez, "mota honetako kasuetan herritarren lankidetza nabarmentzekoa da. Hala, landa-inguru txikietako etxebizitzetatik edo etxebizitza isolatuetatik gertu ezezaguna ikusiz gero, garrantzitsua da Ertzaintza jakinaren gainean jartzea".
Ertzaintzak 21, 28 eta 33 urteko hiru gizonezko eta 26 urteko emakumezko bat atxilotu zituzten atzo, osteguna, goizean, Barrikan, bertako baserri batean eta nekazaritza-lanabesetarako txabola batean indarkeriaz lapurtzen saiatu zirelakoan. Eraikinotara sartzeko, ateak bortxatu zituzten, Eusko Jaurlaritzako Segurtasun Sailaren arabera. Goizeko 8:30ak aldera, pertsona batek Barrikako baserri baten ondoan ibilgailu bat aparkatuta zegoela jakinarazi zion Ertzaintzari. Emandako datuen arabera, autoaren barruan bi lagun zeuden, eta, etxearen sarreran, beste bi. Patruila bat baserrira joan zen, eta, aipatu eraikinetik hirurogei bat metrora, handik abiatzen ari zen autoa geldiarazi zuen. Lau lagunak bertan zihoazen. Ertzainek zergatik zeuden han galdetu zieten, eta, erantzun zutenez, bidez nahasi ziren, eta, irteerarik ez zegoela ikusi zutenean, buelta eman zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun