Erandioko 17 auzokideri arreta medikua eman behar izan diete gaur goizean haien etxebizitza-blokean izandako zirkuitulabur batek eragin duen kea arnasteagatik. Efe albiste-agentziak zabaldu duenez, istripua goizeko 9:30ak aldera jaso da, Altzaga auzoko Anton Fernandez kaleko etxebizitza batean. Ordu horretan, etxeko koadro elektriko batean zirkuitulaburra eman eta su hartu eta ke handia eragiten. Horren ondorioz, suhiltzaileek auzokideak kanporatu dituzte eraikinetik eta horietatik 17k arreta medikua jaso behar izan dute. Gehienak lekuan bertan artatu dituzte osasun zerbitzuetako langileek, baina bi ospitaleratu behar izan dituzte, Eusko Jaurlaritzako Segurtasun Sailak baieztatu duenez. Erandioko Udalak auzokideak lekuz aldatu ditu, Iberdrolak kaltetutako etxearen elektrizitate-hornidura berrezarri arte. Argazkian, Artatzako suhiltzaileak artxiboko irudi batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun