Bost egunetan zehar, mundu osoko 25 zientzialari eta ikertzailek (AEB, Japonia, Alemania, Frantzia, Belgika, Grezia, Suitza, Txile, Norvegia...) bertaratzen direnen interesa piztuko dute, hainbat gai landuz: kostaldeen eta portuen kudeaketa eta itsas trafikoa; kutsatzaile iraunkorrak eta sortu berriak; estuario hondatuen kudeaketa; ozeanoen osasuna babesteko erronka berriak; bioteknologiak ozeanoen babes eta balorizazio iraunkorrerako eskaintzen dituen aukerak; eta ingurumena babesteko, itsas baliabide berriak kudeatzeko eta biodibertsitatea zaintzeko balio dezaketen biobankuen aplikazioak.
Gai horiek otsailean Donostiako Aquariumean egindako RiMER ikastaroaren lehen moduluan landutakoen osagarriak dira. Modulu horrekin hasi zen EHUn ematen den eta duela gutxi sortutako Plentziako Itsas Estazioan (EHUk koordinatzen duen Itsas Baliabideak eta Ingurugiroa Erasmus Mundus Masterraren egoitza) gauzatzen den masterreko prestakuntza programa.
80 tesi inguru
2006/2007 ikasturtean MER masterra martxan jarri zenetik, RiMER ikastaroan landutako alderdi gehienak barne hartzen dituzten masterreko 80 tesi inguru egin dira. Ikasleek Erresuma Batuan, Frantzian, Belgikan eta Espainian profesional gisa aritzeko gaitasuna ematen dien titulazio anizkoitz bat lortuko dute. Mundu osoko 20 herrialde baino gehiagotako 36 ikaslek jasoko dute prestakuntza masterraren zortzigarren edizioan (2013-2015), Erasmus Mundus bezala egingo den lehena. Ikasle horiek MER 2013-2015 masterrean sartzeko eskaera egin zuten 400 hautagai baino gehiagoren artean aukeratu dira.
Ingurumenaren eta itsas baliabideen ikerketari buruzko nazioarteko graduondoko ikastaroa hasi da Plentzian
Ingurumenaren eta itsas baliabideen ikerketa jorratuko duen Research in Marine Environment and Resources (RiMER 2013) nazioarteko graduondoko ikastaroa hasi da gaur, ekainaren 17an, Plentziako Itsas Estazioan, eta ostiralera arte iraungo du. Ikastaro honekin, 2012ko irailean Bordelen hasitako masterreko lehen urtea amaituko dute 20 ikaslek. Masterra 2014ko irailaren erdialdean amaituko dute, masterreko tesia defendatzen, Plentzian bertan. Ikastaro hau MER partzuergoko unibertsitateek (University of Southampton, Université de Bordeaux eta Université de Liège) antolatu dute, eta Euskal Herriko Unibertsitatearen (EHU) eta horri lotutako beste erakunde batzuen (AZTI-Tecnalia, University of the Aegean) artean koordinatu dute. Nazioarteko hainbat ikertzailek emango dute eta itsas ikerketaren arloko gaiak landuko dituzte bertan, hala nola kostaldeen kudeaketa, ozeanoen kutsadura eta osasuna, itsas bioteknologia eta itsas baliabide berriak, eta itsas eta ingurumen biobankuak. RiMER 2012 ikastaroan parte hartuko duten MER masterreko ikasleak hainbat jatorritakoak dira: Frantzia, Ingalaterra, Irlanda, Italia, Galizia, Asturias, Kantabria eta Euskal Herria. Horiez gain, EHUko graduondoko eta doktoregoko ikasle batzuk bertaratuko dira, bai eta unibertsitateko eta teknologia zentroetako zenbait ikertzaile ere. Argazkian, Plentziako Itsas Estazioa / © Euskal Herriko Unibertsitatea (EHU).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun