Torresoloko igerileku irekiak berriz ere zabaldu dituzte Leioan, udari behar bezalako harrera egiteko. Horrekin batera, erabiltzaileen harrera zerbitzua jarri da martxan, 946 004 475 telefono zenbakian eta igerilekuen atezaindegian, 10:00etatik 13:30era eta 16:00etatik 19:30era. Sei hektarea (60.000 metro koadro) dituen Pinosolo parkearen ondoan kokatzen da zonaldea, bere baitan hainbat ur joko desberdin biltzen dituelarik: familia igerileku ludikoa, txikientzako ur putzu desberdinak, belarrezko solarium zonaldea dutxekin, tenis pista bat eta zazpi pista paddel-era jokatzeko. Horretaz gain, aldagelak, komunak, ostalaritza lokala eta parking-a bat ere baditu, udal iturriek nabarmendu dutenez. "Guzti horren artean zonalde bat nabarmentzen da batez ere begi-bistan, txikienentzat zuzendutako zonaldea, gai baten inguruan dekoratuta dagoelako. Gaztetxoen zonaldea itsasoko bizitza ekartzen du burura hainbat jolas edo gune dibertigarriekin: txirrista eta ur-jauziak, baleontzi bat ere badago bertan XIX. Mendeko itsas-ontziek ekartzen dizkiguna burura, gainera giro honetako hainbat animalien presentzia ere badira bertatik, besteak beste, dortokak, izurdeak edota baleak", azaldu dute. Argazkian, Torresoloko igerilekuak / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun