Bost egunez, bisitariek hainbat gaitako liburuak erosteko aukera izango dute. Salgai jarriko diren liburu gehienak partikularrek liburutegiei emandakoak dira eta gainerakoak Getxoko lau udal liburutegietako garbiketan baztertutako aleak dira.
Salmenta prezioak sinbolikoak izango dira: liburuek, euro bat balioko dute; aldizkariek eta koadernotxoek, euro bat hiru aleko, eta entziklopediak, ale kopuruaren arabera. Halaber, igandean deskontuak egingo dira liburu-sortak erosita. Aurten inoiz baino liburu gehiago izango dira salgai, 30.000 hain zuzen ere. Iaz 16.000 bat lagun etorri ziren azokara eta 18.000 liburu saldu ziren bertan.
Bihar, asteazkena, hasita eta igandera arte, Bigarren Eskuko Liburu Azokaren 8. edizioa izango da Algortan. Getxoko Liburutegi Zerbitzuak antolatuta, lehenengo aldiz Telletxe plazan beharrean, Algortako Villamonte kaleko kultur etxean kokatuko da. Halere, bildutako dirua proiektu solidario batean erabiliko da, ohi bezala. Oraingo honetan, eskuratuko den etekina Grupo de Misiones San Martin de Tours elkarteari emango diote, Kongoko Errepublika Demokratikoan garatzen ari den hezkuntza eta proiektua bultzatzeko. Azokaren ordutegia honako hau izango da: goizeko 11:00etatik 14:00etara eta 17:00etatik 21:00etara. Igandean, ekainak 23, goizez irekiko da soilik. Argazkian, 2006ko irailean egin zen Bigarren Eskuko Liburu Azokaren 1. edizioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun