Udala urtebete darama Sopela 2020 Ekintza Planaren erredakzioa garatzen. Bertan, tokiko erakundeak hurrengo zortzi urteetan aurrera eramango dituen proiektuak zehaztuko dira. "Helburua honakoa da: herritarren bizitza-kalitatea hobetzea, ikuspuntu sozial, ekonomiko eta ingurumenari dagokionez", agintari sopeloztarrek azaldu dutenez. Egun, aipatu Ekintza Planaren zirriborroa eratu du Udalak, hainbat eragileren parte-hartzea bermatu ostean: udalbatzako ordezkariak, udal teknikariak eta eragile ekonomiko eta sozialak. Aipatu dokumentua sopeloztarren artean ezagutzera emateko asmoz, herritarren foroa antolatu du Sopelako Udalak gaurko, osteguna, 19:30ean udaletxeko sarreran. Bertan zirriborroa ezagutu eta ekarpenak egiteko aukera egongo da. Halaber, dokumentua www.sopelana.net web orrian eskura dago , eta ekarpenak idatziz, e-postaz agenda21sopelana[abildua]uribekosta.org edo udaletxeko udal erregistroan egin ahal izango dira. Argazkian, herri bilkura udaletxeko sarreran / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun