Igandean, ekainaren 23an, Getxoztar Abesbatzen Eguna ospatuko da seigarren urtez. Ekimen horren bitartez tokiko taldeei omenaldia egin nahi zaizkie ospakizunean eta, horrezaz gain, udalerrian errotze handia duen tradizioa bultzatu nahi da, Getxoko Kultur Etxeak adierazi duenez. Algortako Biotz Alai plazan hamabi talde jardungo dira; bakoitzak bi kanta eskainiko ditu. Saioa 18:00etan hasiko da eta sarrera doakoa da. Guztira, 400 abeslari inguru bilduko dira ekitaldian. Seigarren edizio horretan ahots mistoen, behe-ahotsen eta haur abesbatzak jardungo dira. Honako hauek izango dira parte hartuko duten taldeek: Biotz Alai, Erromoko Kantariak, Eskuz Esku, Gizatiar, Gorrondatxe, Irutasun, Itxartu, Kimetz (San Nikolas ikastolako abesbatza), Ondarreta, Tangorako Soinutarrak, Zozoak eta Andrés Isasi Musika Eskolako abesbatza. Saioan garai eta genero anitzeko egileen kantak abestuko dituzte taldeek euskaraz, gaztelaniaz eta ingelesez, esaterako Jesús Guridi, Xabier Lete, Gontzal Mendibil, Eric Clapton, Felix Mendelssohn eta Antonín Dvořákenak. Argazkian, Gorrondatxe abesbatza, artxiboko irudian.
Horrela, getxoztar abesbatzen trebeziaz zuzenean gozatu ahal izango dute musikazaleek aurten. Saioan parte hartzen duten taldeek etengabe aritzen dira urtean zehar herri-ospakizunetan, lehiaketetan eta hainbat ekitalditan: Agate Deunako Koru Jaialdian, zenbait herritako Udaberriko Kontzertuetan, edota Bizkaiko Koralen Egunean, gure mugetatik kanpoan egindako saioak ahaztu gabe. Musika korala errotze handiko tradizioa da Getxo udalerrian. Izan ere, udalerrian hainbat abesbatza daude, horietako batzuk eskarmentu handikoak. Urtez urte, talde horietan ehunka lagun biltzen dira musikaz gozatzeko. Getxoko Abesbatzen Eguna musika zaletasunaren isla izan nahi du eta, horrezaz gain, ekimen horren bitartez talde getxotarrei omenaldia egin nahi zaizkie ospakizunean. Halaber, Abesbatzen Eguna topagune bilakatuko da eta aurten parte hartzen duten taldeetako kideek elkarren artean harremanak sendotu ahal izango dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun