Lagun asko bildu ziren Gaztelugatxe inguruan eta eguerdiko 12:00etan desestali zen aurreko egunetik jarrita zegoen burdinezko mugarria. Ohorezko dantzaldiaren ostean, Juan Mari Feliu eta Txutxi Ariznabarretak hartu zuten hitza Nafarroa Bizirik eta Independentistak Sarearen izenean.
Independentistak Sarea
Atzo, ekainak 23, euskal memoria historikoa berreskuratzeko ekimena burutu zuten Gaztelugatxen (Bizkaia). Bertan, Nafarroako Erresumaren gaztelu bat izan zen bere garaian, eta horren lekukotza aditzera ematen duen mugarria jarri zuten atzo. Nafarroa Biziriken eskutik mugarri berdinak jartzen ari dira, hain zuzen ere, bere garaian nafar gazteluak izandako toki guztietan. Mugarriak inskribatuta darama 1053 urtean hasita Gaztelugatxeko gazteluari buruz agertzen den dokumentazioaren aipamena. Independentistak Sareak, Zantzue Kultur Elkartearekin eta Euskaraz Berbetan taldearekin batera antolatu zuen ekimena, eta Bermeoko Udala, Nafarroa Bizirik, Sollube 707 Mendi Taldea eta Herri Babesaren laguntza izan zuten. Argazkian, ekitaldian bildutako zenbait lagun / © Independentistak Sarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun