Ordenantza berria egungo bi ordenantzen elkartzearen ondorioa da, Imanol Landa buru duen Gobernu-taldeak bidezkotzat jo baitu bateratzea, izenak eta ezaugarri teknikoak homogeneizatuaz eta eguneratuaz. Lehen Ordenantza "Eraikuntzaren parte ez diren objektuen hegalari buruzko Ordenantza" da, 1986 urteaz geroztik indarrean dena; bigarrena, berriz, "Bastidoreetan eta beste elementu batzuetan kanpo publizitatea jartzea arautzen duen Ordenantza" da, 2002az geroztik indarrean dena. Biak elkartzearen helburua, udal gobernutik aipatu dutenez, “ordenantza-kopurua sinplifikatzea da, herritarrek udal-araudia hobeto eta azkar uler dezaten”.
Araudi berriak fatxadan sartuta dauden baina eraikuntzaren parte ez diren elementuak, hala nola, islagailuak, olanak, markesinak, pertsianen kutxak, ... arautuko ditu. Eta, besteak beste, beren baloi turistikoagatik garrantzitsuak diren jarduerak ezagutzera ematea helburu duten kartelera, publizitaterako hesiak edo seinaleak ipintzea ere ahalbidetuko du. Jarduera horiek dira, ostatu-zerbitzuak, jatetxeak, baliabideak, kirol- eta kultur´-ekitaldiak edo turismoari lotutako beste zerbitzu batzuk.
Ordenantza berria egiteko arrazoia da: “Getxok helmuga turistikoa izatea nahi duela, itsaso-bidaien kaia jarrita. Modu horretan, hotelekin eta ostalaritzarekin loturiko jardueren bidez, sektore horren eskaera historikoaren gorakada gertatu da, jarduera horien egoera iragarri eta adierazi ahal izateko. Modu horretan, egoera horrek egun indarrean diren ordenantzak egungo errealitatera egokitzea eskatu du, udalerria bisitatzen duen jendearentzat publizitatea egitea eskatzen duen garatzeko bidean dagoen sektorearentzat”.
Kaleko publizitatea arautzeko ordenantza eztabaidatuko du gaur Getxoko Udalbatzak
Getxoko Gobernu Taldeak gaurko osoko bilkurara eramango du fatxadan sartutako baina eraikuntzaren parte ez diren elementuak eta kanpoko publizitatea arautuko duen ordenantza berria, hasierako onespena egiteko. Araudi berriak islagailuak, olanak, markesinak, pertsianen kutxak... arautuko ditu. Eta, besteak beste, "beren baloi turistikoagatik garrantzitsuak" diren jarduerak ezagutzera ematea helburu duten kartelera, publizitaterako hesiak edo seinaleak ipintzea ere ahalbidetuko du, udal iturriek azaldu dutenez. Halaber, erabilera publikoko espazioetan aldi baterako edo modu iraunkorrean kartelerak eta publizitate-hesiak ipintzea aurreikusten dute, Udala, gizartea, kultura eta abarren inguruko informazioa emateko. "Kartelera eta publizitate-hesi horiek herritarren eskura izango dira erabil ditzaten", adierazi dutenez. Era berean, arkupeetan errotuluak ipintzeko baldintzak ere jasotzen dira. Azkenik, hauteskunde-garaian, Udalak baimena eman ahal izango du hauteskunde-publizitatea jartzeko, horretarako jarritako hesiez kanpo, bastidoreen bitartez argiteria publikoan. Baimen hori izaera publiko edo pribatuko erakundeek ere eskuratu ahal izango dute emanaldi kulturalak, kirol-arlokoak, sozialak, eta abar antolatzen dituztenean, baina aurrez Getxoko Udalari eskatu beharko diote. Bi kasuetan, kokapenak aurrez Udalak finkatuko ditu. Argazkian, kartelak jartzeko panelak hauteskunde kanpaina batean, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun