Koalizio ezkertiarrak "penagarritzat" jo du "erabat positiboa zen ekimen bat horrela bukatzen ikustea". Azaldu dutenez, ekimenak Umore Azokan artista eta teknikariek jan eta edanean gastatu behar zituzten milaka euroak herriko taberna eta jatetxeen artean banatzea zuen helburu. Horretarako interesaturik zeudenak ekimenean izen eman behar zuten. Udalak bi ticket mota banatu zituen, batean edari eta janariagatik aldatu beharreko ticketak banatu zituzten, atzealdean tabernen zerrenda agertzen zelarik. "Beste ticketa bazkaltzeko eta afaltzeko balio zuten, baina honetan ez zen inolako taberna zerrendarik agertzen. Batzokiak horrelako 890 ticket jaso zituen", EH Bilduk dioenez. Behin ticket horiek jasota taberna eta jatetxeek Udalean aldatzen zituzten dirugatik.
Hala ere, EH Bilduk azken Udalbatzan salatutakoaren harira, "ticket hauek errez faltsutu zitezkeen, fotokopiatutako paperak baitziren eta ez zuten inolako udal zigilu eta kontrol zenbakirik. Edonork fotokopiatu zitzakeen inolako arazorik gabe"."Gainera, EH Bilduk jakin izan duenez, partaideei batzokira joatea gomendatzen zieten", amaitu du EH Bilduk.
Umore Azoka "batzokia aberasteko" erabili izana egotzi dio Leioako EH Bilduk EAJri
Maiatzaren 16tik 19ra izan zen Umore Azoka "batzokia aberasteko erabiltzea" egotzi dio Leioako EH Bilduk EAJri. Koalizio ezkertiarrak eskuratutako datuen arabera, jelkideen egoitzaren jatetxeak Umore Azokan parte hartu zuten teknikari eta artisten edari, bazkari eta afariak ordaintzeko "diru publikoaren %78a" fakturatu zuen. "Zehazki, Leioako 9 taberna eta jatetxeren artean banatu behar ziren 13.681 eurotatik, Batzokiak 10.680 jaso ditu", mahaigaineratu dutenez. "Erabat lotsagarria iruditzen zaigu gertatutakoa eta Leioako EAJren benetako aurpegia erakusten digu, leioaztar guztion diru publikoa beraien ingurukoen mesedetan jarriz. Umore Azoka tamainako jaialdi batek, non Udalak milaka euro inbertitzen dituen, herri osoan izan behar du eragina. Beraiek ordea, bere egoitza sozialeko jatetxea aberasteko erabili dute. Kontua larriagoa da kontutan badugu gertatutako salatu dugunean Udal Taldeak dena ondo egina dagoela esan digunean. Leioako tokiko komertzio eta ostalaritzak ez du hau merezi, ez du merezi Udalak, Alderdiaren txartela duten lagunen alde egitea. Badirudi batzuentzako Umore Azokaren eragin ekonomikoa batzokia aberastean oinarritzen dela soilik", salatu du Leioako EH Bilduk. Argazkian, Umore Azokako ikuskizunetariko bat / © Umore Azoka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun