Hirukotearen helburua, haurrak eta helduak barrez lehertzea eta ondo pasatzea da, zirkoko pailazoa eredutzat hartuta. Maiz izan dira Gari, Montxo eta Joselontxo Europako zirkoetako pistetan lanean.
Hiru pailazoen artean, ordu beteko saioa osatzen dute. Bai haurrak bai helduak primeran pasatzeko aproposa diren ikuskizun paregabeak.
Eta zirkoan aurkezteko, 15 minutuko iraupena dituzten “numero” edo saio bereziak eta tarte edo sketch komikoak ere egiten dituzte hizkuntza desberdinetan: euskaraz, gazteleraz, frantsesez, ingeleraz eta aleman-eraz.
Gari, Montxo eta Joselontxo pailazoek "Kontxo... kontxo!" izeneko euren ikuskizun berria eskainiko dute bihar, larunbatean, Areetako Xake plazan. Pailazo euskaldunen emanaldi horrekin, Eusko Jaurlaritzaren laguntza duen Kale Antzerkia Bultzatuz izeneko kanpainari hasiera emango diote. Ekimenak Araba, Bizkaia eta Gipuzkoako kaleetan egiten diren antzezpenak ezagutzera ematea du helburu eta baita kale animazioa sustatzea, astialdirako eta kulturarako gune bezala erabiltzea eta arte eszenikoak publikoarengana hurbiltzea ere. Ikuskizuna 13:00etan hasiko da eta sarrera doakoa izango da. Gari, Montxo eta Joselontxo pailazo hirukotea, “clown” batek eta bi “augustok” osatzen dute. Gari aurpegi zuriduna da, elegantea, azkarra, jantzi dotorez hornitua eta beti agintzeko prest. Montxo, berriz, traketsa, baldarra, baina oso dibertigarria eta alaia da. Azkenik, Joselontxo taldeko inozoa da, era bat maitagarria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun