Bere ibilbidean zenbait izendapen eta sari lortu ditu, hala nola British Jazz Award 2001, BBC Jazz Award 2002 Kantaririk Onenari eta Backstage Bistro Award (2004). 2009ko martxoaren 31n, Christine Albanel Frantziako Kultura ministroaren eskutik, Ordre des Arts et des Lettres jaso zuen. Frantziako Gobernuaren sari horrek arteei egindako ekarpena aitortzen du.
Talde Lehiaketan Artur Tuznik Trio banda danimarkarra jardungo da. 2011n abiatu zen taldea Kopenhagen eta mainstream delako estiloaren potentzia soinu moderno modalarekin konbinatzen dute, hardbopa, musika garaikide inprobisatua, free jazza eta abangoardia eskandinaviarra inspirazio iturri moduan erabilita. Taldearen musika modernoa da, liderraren konposizio originala keta atal erritmokoaren energian oinarritutako inprobisazioak interpretatzen dituzte.
Bizkaiko jazz ekarpena
"Hirugarren Milurtekoa" atalean Itxaso Gonzalez abeslariaren boskotea ariko da. Artista bizkaitarrak 1989an egin zuen debuta Arriaga Antzokian eta 1992an Getxoko Nazioarteko Jaialdiko Taldeen Lehiaketan bigarren saria irabaz izuen Vocal Feel taldearekin. Euskal Herriko eta Estatuko jazz musikari handiekin lan egiteaz gain genero anitzeko artistekin ere aritu da. Gaur egun, Itxaso Gonzalezek bere proiektu propioak eta beste artista batzuekin batera egindako elkarlanak uztartzen ditu. Horrez gain, 2003an jazz kontzertu didaktikoen programa bat sortu zuen umeentzat, eta horrekin Bizkaiko kultur etxeak eta auzo-etxeak zeharkatu ditu.
Stacey Kent abeslaria, egungo jazzaren ahots garrantzitsuenetako bat dena, ariko da gaur gauean Getxoko Nazioarteko Jazzaldian. Artista estatubatuarra 22:15ean jardungo da Algortako Biotz Alai plazan. Aurretik, 21:00etan Artur Tuznik Trio hirukote danimarkarra joko du. "Hirugarren Milurtekoa" atalean, berriz, Itxaso González abeslari bizkaitarraren boskotearen saioaz gozatu ahal izango dute zaleek. Stacey Kentek (1968, South Orange; New Jersey) nazioarte mailan arrakasta handia lortu du azken urteotan zenbait hizkuntzatan abesteko modu delikatu eta dotoreari esker. Lehen diskoak, “Close Your Eyes” (1997), nazioarteko ospearen ateak ireki zizkion. Arrakasta etengabea izan ondoren etorri diren lan guztietan, bai askotariko errepertorioa zuten albumetan bai izaera tematikoa zutenetan, hala nola Richard Rodgers eta Fred Astaireri eskainitakoak, eta "The Boy Next Door" (2003), konpositorerik gustukoenei eskainitako lana. Argazkian, Stacey Kent / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun