La Triangu tabernaren ekimenez, doako rock eta blues kontzertu bana izango dira gaur eta bihar Sopelan, Arrietara etorbideko ostatuan. Gaur, ostirala, iluntzeko 10etatik aurrera, Cadillac Records rock talde bilbotarra arituko da zuzenean aretoan. Boskotea 2011n sortu zen Hunters taldea desegin ostean. Halere, iaz arte ez zen finkatu gaur egun daukaten lantaldea: Ines abeslaria, Sergio bateria, Luis Miguel baxu-jotzailea eta David "Deivis" zein Borja "Suso" gitarra joleak. Bihar, larunbata, berriz, Medicine Blues taldea igoko da La Triangu tabernaren oholtzara, 21:30etik aurrera. Blues doinuak lantzen dituen boskote bilbotarra horrek R&B, soul, edota rock doinuak ere jorratzen ditu. Txetxu, Aiert, Rafa, Yves eta Galderrek osatzen dute Medicine Blues. Argazkian, Medicine Blueseko kideak / © Medicine Blues.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun