Gainera, beste hainbat ekintzetan ere, sopeloztarren parte-hartzea beharrezkoa izango da: herri-bazkaria (Ugari supermerkatuan eta Kux Kux eta Irubide tabernetan salgai daude txartelak), karaokea, marmitako txapelketa, tiragoma lehiaketa, ginkana familiarra, herri kirol partehartzailea, playblack lehiaketa mundiala eta abar.
Horretaz gain honakoa ere izango da: Governors edo Obrint Pas bezalako talde ezagunak, talde lokalak, erromeriak, kirol jaerduerak (txirrindulari lasterketa, skate tailerra, futbito txapelketaren finala), umeentzako ekintzak (parkea, tailerrak, bitsa festa, pailazoak)... Bestalde, jai batzordeak gogoratu du jaietan ez dela inolako eraso sexistarik onartuko.
Sopela eta Larrabasterrako jaiak (pdf)
Sopelako jai batzordeak jakinarazi duenez, dagoeneko "badago dena prest uztailaren 12an Larrabasterrako jaien hasierarako! San Pedro jai arrakastatsuen ostean, Karmenek hartuko dute jaietako lekukoa, herriko kaleak kolorez eta alaitasunez betetzeko asmoz". Udalak, elkarteek, koadrilek eta auzokideek osatzen duten jai batzordeak "programa berritzaile eta osoa" prestatu du jaien izaera parte-hartzaile eta herrikoia bultzatzeko asmoz. Adibidez, aurtengo berritasun nagusietako bat jaien hasiera izango da: uztailaren 12a Itsasoaren Eguna izango dela, eta 19:30etik hasita, itsasoko izaki eta pertsonaien kalejira egingo da: marrazoak, surflariak, arrantzaleak, olagarroak edota karramarroak. Norberak bere mozorroa jantzi eta parte hartzera deitu dute jai antolatzaileek. 20:30ean pregoi eta txupinazoaren txanda helduko da. Azken urteetan ez da pregoi eta txupinazorik egon, eta beraz, hau ere aurtengo berritasuna izango da. Peña Txuri surf elkarteko kideek botako dute txupina, eta gero sardina-jan herrikoia egongo da. Argazkian, Oskrestra taldea iaz Larrabasterrako txosnetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun