Ekimenak hiru helburu ditu, hau da, osasuna zaintzea, ondo pasatzea eta heldu diren errealitateen berri getxoztarren artean zabaltzea. Umeek harrerako familiekin eta bere lagunekin batera hainbat jardueratan ondo pasatzeko aukera edukiko dute uztailean eta abuztuan.
Oraingoan Getxo udalerrira 11 haur Argeliako Tindoufeko saharar errefuxiatuen kanpamenduetatik etorri dira, Atfal Sahararen aldeko Getxoko elkartearen bitartez; bi Errusiatik Bikarterekin; lau Txernobilgo Umeak elkartearekin eta beste bi Ukrania Gaztea taldearekin.
Getxo udalerriko zenbait familiek 19 harrerako neska-mutil hartuko dituzte beren etxeetan uztailean eta abuztuan. Jatorri oso ezberdina dute haurrek. Batzuk saharar errefuxiatuen kanpamenduetatik datoz eta beste batzuk, ordea, Europako ekialdetik, hala nola Errusia, Bielorrusia zein Ukraniatik. Gaur, Getxoko Udalak eta Udalbatza osatzen duten talde politiko guztiek ongietorria eman diete umeei eta familiei, aldiz, beren konpromiso solidarioa eskertu die. Imanol Landa Getxoko alkateak heldu diren 19 umeak hartu ditu gaur eguerdian udaletxeko batzar aretoan. Horiek udako hilabeteak emango dituzte harrerako familia getxotarrekin. Alkateak ongietorria eman die umeei eta "familiei gure esker ona zuen konpromiso solidarioagatik eta hori balorean jarri nahi dugu herrian, ezagutarazteko eta zabaltzeko. Aldi berean ekimena posible egiten duten elkarteei ere eskerrak eman nahi dizkiegu, beren zubi lanagatik”, amaitu du alkateak. Ekitaldian, Kepa Miñambres, Eduardo Andrade, Maitane Nerekan eta Agustin Ruiz EAJ, PP, EH Bildu eta PSE-EEko zinegotziak ere izan dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun