Merkataritza plana
Leioako Merkataritza Biziberritzeko Plan Berezia programa instituzionala da, bertako merkataritza txikia babestu eta dinamizatzeko asmoz Leioako Udaleko Garapen Ekonomikorako Sailak sustatu eta finantzatzen duena. Plan bereziaren helburuak bi dira. Epe laburrean, 2013an zehar, Leioako hirugarren sektorearen egoera aztertzea. Eta epe ertainean, datozen hiru urteetan, merkataritzaren lehiakortasuna hobetzera bideraturiko ekintza proposamen koherente bat lantzea.
Zein motatako merkataritza nahi dugu? Zein izango litzateke bere ingurunerik egokiena? Zeintzuk dira bere indar-guneak? Zein arlotan eragin beharko litzateke hobetzeko? Zein paper joka dezake Udalak prozesu horretan?... Datozen hilabete hauetan era horretako galderak luzatuko dizkiete Leioako merkatari eta herritarrei.
Leioako Behargintzak udalerriko merkataritzaren egoera zein den aztertzeari ekin dio. Horretarako, inkesta labur bat prestatu du eta auzokideengana, herriko enpresetara edota herrian lan egiten dutenengana jo du, denon laguntza eta parte hartzea eskatuz. Izan ere, datuak ez ezik iritziak ere ezagutu nahi dituzte. Inkesta udal bulegoetan zein sarean topatu daiteke. Galdetegian batutako informazioa eta "Leioan bizi, lan egin edota udalerrian gure bizitza egiten dugunon iritziak" Leioako merkataritza dinamizatzeko plana diseinatzean kontuan hartuko dituztela dio Leioako Udalak. Plana hori egitearen ardura joan den maiatzean jaio zen Leioako Merkataritza Biziberritzeko Plan Berezia proiektuarena da. Marko horretan, lehenengo lanak egin dituzte, merkatariekin batzarra esate baterako, eta galdetegiarena bigarren ekimena izango da. Argazkian, andra bat zapatak erosten Leioako denda batean / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun