Bizkaiko merkataritzako hitzarmenen indarraldia irailaren 30era arte luzatzeko akordioa lortu dute LAB, CCOO, UGT eta ELA sindikatuek eta Cecobi Bizkaiko merkataritzako patronalak. LAB sindikatuak ohar baten bidez zabaldu duenez, egungo lan hitzarmenaren luzapena bi hilabete eta hiru astez izango da, 2013ko irailaren 30era arte. Merkataritzako hitzarmen guztien indarraldia luzatzeko akordioa pasa den igandean lortu zuten, uztailaren 7an, Espainiako Gobernuak bultzatutako lan erreformaren eraginez aurreko hitzarmena bertan behera geldituko zen egunean. Luzapena eginez, enpresarien zein sindikatuen asmoa hitzarmen horien edukiak negoziatzeko denbora gehiago izatea izan da. Akordioak alde guztietatik negoziazioetan aurrera egiteko konpromisoa barne biltzen du, asteroko bilera egutegi bat zehaztuz. Gauzak horrela, azken helburua Bizkaiko merkataritzako hitzarmenen berritzea posible egitea da. Argazkian, Algortako azokaren sarrera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun