Juan Pablo Orduñez "Mawatres" da proiektu horren sortzailea eta zuzendaria eta Arantza Lauzirika, EHUko Arte Ederren Fakultateko Artea eta Teknologia Saileko irakaslea, koordinatzailea. Ekimena, EHUko Bizkaiko Campuseko Errektoreordetzaren, Kontestua.org ikerketa-proiektuaren eta Bilboko Udalaren parte-hartzearekin gauzatuko da.
Proiektuak, inguruak irentsitako iragan industrialaren elementua den Deustuko zubia berreskuratu nahi du hainbat interbentzio artistikoren eszenatoki bezala erabiltzeko. Proiektua irailera arte luzatuko da eta, hiru astero, interbentzio berri bat aurkeztuko da Deustuko zubia altxatzeko makinak dauden etxolan.
Bihar, ostirala, Mikeldi Perez Urkijoren "Geometria Abstraktua eta Tanketak" izeneko lana aurkeztuko da Deustuko zubiko aginte-etxolan, arratsaldeko 7etan. Gauzak horrela, EHUko Arte Ederren Fakultatearekin lotura duten 23 ikasle eta ikerlarik sortu eta garatu duten "Interbentzioak Deustuko zubian" proiektu artistikoaren laugarren erakusketa inauguratuko da. Aurkezpen horretan, forma geometriko aseptiko batzuek zubiko makina etxola zaharreko leihoak estaliko dituzte. Iluntzerakoan eta barnean argiak pizterakoan, irudi abstraktu hauek formatu handiko argazki batzuk aditzera ematea utziko dituzte. 1984ean Euskaldunako ontziolako langileen kontra erabilitako ibilgailuen irudiak dira. Izan ere, autoreak dioenez, "krisialdi zikloek sortzen dituzten botere eta pertsonen arteko borrokak desagertu ordez beste leku periferiko batzuetara mugitu dira, azken borrokak memoriatik ezabatzen dizkiguten bitartean". Argazkian, Mikeldi Perez Urkijoren lana / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun