Era berean, adierazi nahi dugu gure iritziz beharrezkoa dela bularra ematen duten amentzako babes juridikoa garatzea, ama guztiek haurrei bularra edozein lekutan eta edozein egoeratan emateko duten eskubidea bermatzeko, inork gaitzetsi edo kritikatu gabe. Izan ere, eskatu ahala bularra ematea aukera natural eta onena da haurraren eta amaren osasun fisiko nahiz emozionalerako, eta ez dakar inolako kalterik ez ingurunerako eta ez ingurukoentzako ere.
Lide Azkue, Euskadiko Esnearen Liga / La Leche League International erakundearen izenean
Joan den ekainaren 25ean, ama baten jokabidea gaitzetsi egin zuten Erandioko kiroldegiko haur txikien igerilekuaren ondoan 6 hilabeteko haurrari bularra ematen ari zelako. Euskadiko Esnearen Ligaren izenean, jakinarazi nahi dugu Chelo Corvik eta bere haurtxoak gure babes osoa dutela, eta Erandioko Udaleko arduradunei eskatzen diegu amagandiko edoskitzeari buruz dituzten arauak berrikusi eta alda ditzatela, bularra emateak ez diolako inolaz ere igerilekuaren higieneari eragiten, eta uste dugulako esparru horretan jan eta edateko debekuaren salbuespentzat jo behar dela amagandiko edoskitzea. Argazkian, bularra ematearen defentsan Madrilgo Prado museoaren kanpoaldean egindako ekimen bat / cc-by-nc Salvador Garcia Bardon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun