Biharamunean, astelehenean, Ensemble Folklorique MacKinaw elkartearen txanda izango da. Taldeak Drummondville hirian dauka egoitza, Quebeceko erdialdean, hain zuzen. 1974. urtean sortu zen taldea eta basoko lanetan erabiltzen den jantzi tradizionaletik hartu du izena. Elkartearen jarduera zabala da Kanadan zein atzerrian eta bere herriko folklorea eta dantzak babestea eta zabaltzea dute helburu nagusi. Quebeceko dantza errepertorio zabala dauka McKinawek eta horretan dantza eta antzezkizuna uztartzen dira.
Azkenik, Turkiako Gökmeydan Halk Oyunlari taldeak itxiko du jaialdia asteartean, uztailak 23. Konpainia 2004. urtean sortu zen bere herriko kultura eta tradizioak belaunaldi berrietara gerturatzeko asmotan. Taldearen errepertorioan Turkiako eta Kurdistango hainbat eskualdetako dantzak biltzen dira, esaterako Bitlis, Diyarbakir, Artvin, Kilis, Izmir, Adyaman, Urfa eta Trabzon. Urtero bertoko estatu-mailako lehiaketetan parte hartzen du elkarteak eta arrakasta handiak lortu ditu horietan. Halaber, atzerrian ere saio arrakastatsuak egin dituzte, Grezian, Mazedonian eta Polonian, besteak beste.
Bihar, igandearekin, Getxoko 29. Nazioarteko Folklore eta Dantza jaialdia abiatuko da. Datorren asteartera arte, Quebec, Turkia eta Algortako taldeak arituko dira Algortako Biotz Alai plazan. Ohi bezala, saioak 21:00etan hasiko dira eta sarrera doakoa izango da. Algortako Itxartu taldeak zabalduko du bihar jaialdia. Sortu zenetik, elkarte horren dantza taldea "euskal dantza eta kulturaren mesederako lana burutzen du, dantzaren berrikuntza eta freskotasuna bermatzen duen irakaskuntza goiztiarra dela medio", Getxoko Kultur Etxeko antolatzaileek gogoratu dutenez. Elkarteak, Iñaki Uriaren eskutik eman zituen lehenengo pausuak. Dantza taldeen egitura eta lana denborarekin garatuz joan da. Gaur egun, 40 kidek osatzen dute taldea, heldu zein gaztetxoak kontutan hartuz. Argazkian, Quebeceko Ensemble Folklorique MacKinaw elkarteko dantzariak astelehenean arituko dira / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun