Orain bi astelehen, abuztuaren 5ean, hasi ziren Getxoko Galeako gotorlekuaren dorrea zaharberritzeko lanak. Obrak dorrearen eraikuntzaren harlandua konpontzeko egingo dituzte, kaltetuta eta lurrera erortzeko arriskuan dagoelako, udal iturriek aipatu dutenez. Proposatutako lanak egitura osatzen duen elementuetako bat sendotzea izango du helburu eta horrela faroaren dorrea egonkortzen saiatu, hori meteorologiaren baldintza txarrengatik kaltetuta dagoelako. Lana aurrera eramateko honako ekintza hauek egingo dituzte: dauden hutsuneak betetzeko hargintzazko materiala erabiltzea; harlandua sendotzeko hargintzazko junturak tratatzea; harria babesteko tratamendua ematea eta faroaren goiko partearen metalezko errementaritza sendotzea ere. Argazkian, Galeako gotorlekuko dorrea, konpontzen hasi aurretik / © Kr3stO - Getxoko PSE-EE.
"Aipatutako lanak ez egitekotan faroaren dorrearen goiko parte lurrera erortzeko arrisku handia egongo litzateke, eta ondorioz, zaharberritzearen helburua egitura osoaren elementu bat zaharberritzea da", azaldu dute tokiko arduradunek. Bizkaiko Foru Aldundiko Ondare Zerbitzuak baimendu du deskribatutako lana, ondareko balore handiko eraikuntza delako Galeako gotorlekua. Aurreikusitako aurrekontua 60.000 euro ingurukoa da(%21eko BEZa barne) eta lanak egiteko gutxi gorabeherako iraupena 10 astekoa izango da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun