15 urteko gazte batek aurpegian zenbait ebaki egin zituen atzo, Gorlizen, hondartzatik gertu dagoen zona harritsu batean erori eta gero, Eusko Jaurlaritzaren Segurtasun Sailaren iturriak aipatuz Eitb.com webguneak jakitera eman duenez. Gertakaria 15:30 aldera jaso zen Punta del Castillon, Astondoko hondartzatik gertu dagoen zona arrokatsuan. Nerabea lagun batekin zegoen eta bekainean eta masailalboan ebakiak egin zituen. Gurutze Gorriko ontzi batek zauritua Astondoko hondartzara eraman zuen, eta bertatik anbulantzia batek Gurutzetako ospitalera eraman zuen. Ebakiak ixteko puntuak eman zizkioten, iturri berak azaldu duenez. Argazkian, 2010eko ekainaren 7an, itsasontzi istripu baten simulazioa egin zuten Eusko Jaurlaritzak eta Bizkaiko Foru Aldundiak Plentziako kostaldeko uretan, larrialdietarako zerbitzuen koordinazioa eta erantzuna hobetze aldera / cc-by Irekia.net - Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun