2012an 216 lagun izan ziren Leioako Udalaren Gizarte-Hezkuntzazko Eskuhartzeko Taldeko zerbitzuetan, hau da, 76 familia hartu zituen zerbitzu horrek. Martxan jarri zenetik 2009an gorakada nabarmena jaso du, urte horretan 50 pertsona ingurekin hasi baitzen. Udal zerbitzu hori prebentiboa eta doakoa da, familia eta adingabekoen sustapenerako jaio zen, aholkularitzako hezkuntza-neurriak eta laguntza integralarekin. Seme-alaben hezkuntzan arazoak dituzten familiei laguntzea da zerbitzu honen helburu nagusia, gurasoak ahokatzen eta nerabeekin lan egiten. Zerbitzua erabiltzen dutenen artean honakoak aurki ditzakegu: guraso gazteak, famili gaztazkak dituzten nerabeak, hezkuntza arloan laguntza behar duten gurasoak, eta abar. Zerbitzua erabili zutenen gehiengoa seme-alaba gaztetxoak dituztenak dira. Adin gutxikoak izaterakoan arazoak eta gatazkak hasiberriak dira eta emaitzak hobeagoak izaten dira. Hau horrela, 8 eta 12 urte bitarteko adingabekoen kopurua bikoiztu egin da azken urtean, eta 0 eta 7 urte bitartekoen parte hartzeak etengabeko igoera du. Argazkia: © Leioako Udala.
Baina, gazteekin lan egitearekin batera zerbitzu honek gurasoekin ere lan egiten du, gatazkaren alde biak landuz eta arazoei ahalik eta hoberen aurre egiteko. Honetarako iaz tailerrak antolatu ziren nerabeen hezkuntzan orientatzeko, hauetan 11 famili hartu zuten parte eta, emaitza positiboak izan zirela ikusirik aurten ere ikastaro hauek jarriko dira martxan. Gizarte Zerbitzuetatik eratorritako kasuez gain, Leioako Udalaren Gizarte-Hezkuntzazko Eskuhartzeko Talde honek hainbat adingabeko hartzen ditu hezkuntza- edo osasun-zentroetatik eratorritakoak. Hala ere, Leioako Udalaren Gizarte-Hezkuntzazko Eskuhartzeko Talde honen zerbitzua erabiltzeko lehenik eta behin herritarrek Gizarte Zerbitzuetatik pasa beharra dute, Inaurratzaga kaleko 1 zenbakian dagoen bulegoan edota 944 801 336 telefono zenbakira deituz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun