Gaur goizean aurkitu du Ertzaintzaren helikopteroak bart Gorlizen desagertutako 35 urteko arrantzalea. Goizaldeko 3etan eman diote senideek desagerpenaren berri SOS Deiak 112 larrialdi zerbitzuari: aipatu laguna arratsaldean joan zen Billano lurmuturrera, gauerdian bueltatzeko asmoz. Hori ezagututa, bilaketa abian jarri du Eusko Jaurlaritzako Larrialdiei Aurre Egiteko eta Meteorologia Zuzendaritzako teknikari batek; Itsas Salbamendu eta Ertzaintzaren Erreskate Unitateko kideek parte hartu dutela. Goizaldean zehar helikoptero bat eta hainbat itsasontzi hurbildu dira lekura. Eguna argitu ostean, 08:20 inguruan, bilaketa lanak hasi dituen Ertzaintzaren helikopteroak aurkitu du desagertutako gizona, Dos Hermanas ezizenez ezaguna den zonaldean. Arrantzalea erreskatatu ostean, Gorlizko futbol zelaireraino eraman eta, bertatik, Gurutzetako ospitalera lekualdatu dute. Dirudienez, ustez erori egin da gizona aipatu zonalde malkartsuan, Eusko Jaurlaritzaren Segurtasun Sailak zabaldu duenez. Kolpean eta nekatu zantzuak zituen. Argazkian, Ertzaintza gizon bat erreskatatzen itsasoan / © Segurtasun Saila.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun