Hauxe izango da itsasaldiaren egutegi osoa:
Abuztuak 22 Santurtzi-Lekeitio
Abuztuak 23 Lekeitio
Abuztuak 24 Lekeitio-Getaria
Abuztuak 25 Getaria
Abuztuak 26 Getaria-Donostia
Abuztuak 27 Donostia
Abuztuak 28 Donostia- Donibane Lohizune
Abuztuak 29 Donibane Lohizune
Abuztuak 30 Donibane Lohizune - Hondarribia
Abuztuak 31 - Irailak 1 Hondarribia
Irailak 2 Hondarribia-Bermeo
Irailak 3 Bermeo
Irailak 4 Bermeo-Castro
Irailak 5 Castro
Irailak 6 Castro-Santurtzi
Saltilloren historia
Saltillo 1932an eraiki eta bi urte beranduago erosi zuen Pedro Galindez enpresari bizkaitarrak. 1946tik 1963ra arte Galindezek errege-familiari utzi zion belaontzia, erabil zezan. 1968an Galindezek Nautika eta Itsasontzi-makineria Eskolari itsasontziaren emaitza egin zion. Zaharberritu ondoren berriro itsasoratu zen 1998an eta gaur egun EHUko ontzi-eskola bezala erabiltzen da.
Ostegun honetan, abuztuak 22, 09:00etan, Saltillo EHUko eskolaontzia irtengo da Santurtziko portutik eta euskal kostaldeko portuetan zehar udan egin ohi duen itsasaldia hasiko du. Antzinako belaontzian Mikel Lejarza kapitaina eta Nautika eta Itsasontzi-makineria Goi Eskola Teknikoko 14 ikasle joango dira. Ikasleek nabigazio praktikak egitea eta gizarteari bela mundua hurbiltzea dira itsas ibilaldia honen helburuak, unibertsitateko iturriek azaldu dutenez. Bigarren helburu hori betetzeko, ohikoa den bezala, nahi duten guztiek bisitatu ahal izateko ontziaren ateak irekita egongo dira Lekeitio, Getaria, Donostia, Donibane Lohizune, Hondarribia, Bermeo eta Castroko portuetan. Era berean, Saltillo belaontzia La Rochelleko Saloi Nautikoan ere egongo da, irailaren 24tik urriaren 2ra. Argazkian, Saltillo belaontzia / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun