Abuztuaren 29an, ostegunarekin, La Plaza tabernan 19:30ean hasita, tabernaz-taberna herri osoan ibiliko da Kantagunea. Gauerdian, ordea, DJ Bull-ek jarriko du musika txosnetan.
Abuztuaren 30ean, ostiralarekin, herri bazkaria egingo dute. Apuntatzeko orria (10 euro) La plaza tabernan egongo da, hilaren 28ra arte. Bazkari goxoa prestatzeko animatuz gero, goizeko 10etan aurreko taberna berdinean lotu dira. Arratsaldean, berriz, Larrain dantza izango da metro inguruan, 20:00etan. Eta, gauean, txosnetan Repercusion eta Tximeleta erromeria izango dituzte.
Bertsoak eta ur gerra
San Agustin jaien azken txanpara helduta, larunbatean, arratsaldeko 8etan, Erandioko bertsolari gazteak, Amets Arzallus, Miren Amuriza, Igor Elortza eta Fredi Paya izango dituzte gozagarri Irailaren 23a plazara hurbiltzen direnek. Geroago, txosnetan, Emon eta Goxo-Goxo taldeek eskainiko dituzte kontzertuak, gauez.
Azkenik, igandean, irailak 1, ur gerra galanta izango da Santi Brouard plazan, eguerdiko 12etan hasita. Ondoren, arratsaldeko 8etan, Txertubi erromeria taldea izango da plazan. Ekitaldi horietan zein gainontzekoetan parte hartzeko, jantzi zuri-urdina jartzera deitu dituzte herritarrak euskara elkartekoek. Izan ere, Berbotsekoek esaten duten bezala: "Guk ez badugu egiten, nork egingo du?".
Uda borbor dagoela, abuztuaren 28tik irailaren 1era ospatuko dira San Agustin jaiak Altzaga herri erandioztarrean. "Aurten ere, euskaltzaleen parte-hartzea ezinbestekoa izango da gure herria gero eta euskaldunago egiteko", adierazi dute Berbots Erandion Euskaraz elkarteko kideek. Gauzak horrela, plan ederra proposatu diete tokiko zein gertuko euskaldun eta euskaltzaleei. Hasteko, jaien lehenengo egunean, asteazkenarekin, berbots-bazkaria egingo dute. Ohi bezala, La Plaza tabernako arkupean egingo dute. Aipatu establezimenduan egongo da izena emateko aukera (10 euro), hilaren 25era arte, igandea. Hantxe ere jarri dute hitzordua bazkari egunean, 11:00etan, den-dena prestatzeko. Bazkal ostean, berriz, Hegoaize folk taldea ere izango da eurekin, ahaztu barik 13:00etan plazan txupinazoa izango dela. Bestalde, arratsaldez, 21:00ak aldera, parrillada ederra egingo dute txosna gunean. Argazkian, Kantagunea Altzagan barrena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun