Leioako San Bartolome auzoan ospatzen ari diren jaien barruan, asto probak izango dira gaur eta bihar arratsaldean. Hain zuzen ere, ekitaldi horiek gaitzetsi ditu Animaliei Tratu Etikoa Ematearen Aldeko Elkarteak (ATEA), Udalari helarazitako gutun baten bidez, astoekiko "arrazoirik gabeko gehiegikeria" delako. Animalien eskubideen aldeko taldeak adierazi duenez, "pisu handiko harriak herrestan eramatea, lehiaketa moduan, ez dauka inolako zentzu naturalik". Halaber, "herritarrentzat ez da irudi oso atsegina", ATEAren iritziz, "jakin badakitelako dibertitzen inori nahi ez duena egitera behartu gabe". Hori dela eta, asto probak egiten ez ustea eskatu dio Animaliei Tratu Etikoa Ematearen Aldeko Elkarteak Leioako Udalari, "aurrekoetan animalien babeserako eta arautegia betetzeko erakutsi duen konpromisoari jarraiki". Argazkia: cc-by jmendikute .
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun