Aldundiaren arabera, "Bizkaiko udalak, BiscayTIKen eta Izenperen eskutik, lider dira administrazio elektronikoko zerbitzuen eskaintzan eta abangoardian daude Interneteko segurtasunari dagokionez".
ETSIko kideen ardura da, hain zuzen, "arauak eta estandarrak prestatzea Europako administrazioek eta merkatu elektronikoak beharrezko duten homogeneizazioa eta elkarreragingarritasuna lortzeko konfiantzazko harremanetan. Kalitate handiko lana egiten dute, normalizazioari begira beti ere, eta, horrela, ospe handia lortu dute, teknikoki bikainak baitira", foru iturriek azpimarratutakoaren arabera.
Europako Parlamentuak eta Kontseiluak barneko merkatuan egiten diren transakzio elektronikoetarako identifikazio elektronikoari eta konfiantzazko zerbitzuei buruz egin duten proposamena lantzen ari dira profesional horiek gaur egun. Erregelamendu berri hori 2014ko udaberrian onetsi nahi da, eta haren bidez lortu nahi da "egun dauden fragmentazioa eta elkarreragingarritasun falta konpontzea, herritartasun digitala sustatu eta ziberdelinkuentzia prebenitzearren".
Areetako Bake Eder jauregiak identifikazio eta segurtasun elektronikoari buruzko Europa mailako topaketa profesionala hartuko du irailean. Izan ere, Bizkaiko Foru Aldundiaren iturriek zabaldu dutenez, BiscayTIK fundazioaren egoitza den Bake Eder Ezagutzaren Zentroan ETSI Telekomunikazioetako Estandarren Europako Institutuaren 30 bat aditu bilduko dira bi aste barru, irailaren 16, 17 eta 18an. Bilkura euskal administrazioei identitateari eta konfiantzari lotutako zerbitzuak eskaintzen dizkien Izenpe sozietateak antolatu du, 2007tik ETSI institutuaren kide aktiboa dena. Europako hainbat herrialdetatik etorriko diren sinadura elektronikoaren eta azpiegituren arloko 30 teknikari horiek elkarrekin konpartituko dituzte azken hilabeteetan egindako aurrerapenak, eta helburu berriak ezartzeko ere erabiliko dituzte Areetan igaroko dituzten hiru egun horiek. Argazkian, Bake Eder jauregia / © Bizkaiko Foru Aldundia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun