Finalista guztietara joango dira epaimahaiko kideak –sommelier ospetsuak eta Kontseilu Arautzaileko Dastaketa Batzordeko kideak–, Laboral Kutxako eta Bizkaiko Txakolina Jatorrizko Deituraren ordezkariekin batera.
Ebaluazio lan horren ondoren, azaroaren azken egunetan jakinaraziko da nortzuk diren lehiaketaren irabazleak. Lehiaketa hau Laboral Kutxaren eta Bizkaiko Txakolina Jatorrizko Deituraren Kontseilu Arautzailearen arteko lankidetza hitzarmen baten emaitza da, eta aurten laugarren edizioa egin du.
Algortako Barrukoa eta Sustrai tabernak zein Astrabuduako Copi ostatua finalistak izendatu berri dituzte Bizkaiko Txakolinaren Tratu Profesionalaren IV. Sarian. Izan ere, Bizkaiko Txakolinaren Jatorrizko Deituraren Kontseilu Arautzaileak antolatutako lehiaketa horretan finalista geratu dira 12 taberna eta lau jatetxe. Horrela, aitortua dute Bizkaiko Txakolina aurkeztu eta zerbitzatzean duten kontua eta arreta, hala eskaintzaren barietatean, edalontzietan, hotz beroan, nola zerbitzuaren kalitate orokorrean. Errotulu itsasgarri txukun batzuen bidez publiko kontsumitzaileak errazago identifikatuko ditu finalistak. Selekzioa egiteko ardandegi jabe eta dastaketako batzordekideen artean inkesta egin zuten eta balorazio altuena jasotako jatetxe eta tabernak geratu dira lehiaketako finalista. Zehazki, hauek dira establezimenduak: Sustrai (Algorta), Barrukoa (Algorta), Copi (Astrabudua), Hermo 2 (Galdakao), El Bodegon (Barakaldo), Brass (Bilbo), Gaztandegi (Bilbo), Ramona (Bilbo), Corinto y Oro (Bilbo), D.O. Bilbao (Bilbo), Gure Toki (Bilbo) eta Patxi Larrocha (Bilbo) tabernak; eta Lubarrieta (Zamudio), Gotzon (Bakio), Zarate (Bilbao) eta Jauregibarria (Zornotza) jatetxeak. Argazkian, lagun bat txakolin dastaketa batean / cc-by Egizu!.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun