Soinu trinko eta energia handikoa interpretatuko du, oud elektrikoa, perkusioak, akordeoia, baxua eta teklatuak erabiliz. Instrumentazio hori abesti optimista eta bizi-indar handikoak eraikitzeko ardatza da. Kantak dantza egitera bultzatzen dute publikoa eta, hori dela eta, saio horretan 512 eserleku egongo dira eta gainerako lekuak zutik egotekoak izango dira.
Trivium Klezmer hirukoteak “Klezmorim” ikuskizuna ekarriko du. Klezmer musikara egindako hurbilketa desberdina da; energiaz, grinaz eta erritmo neurrigabeaz betetako kontzertua da, herri-musika juduaren izaera malenkoniatsu, jai-giroko eta aurretik sumatu ezin dena berreskuratu nahi duena. Ikuskizun fresko eta originala da. Tradizio hebrearreko musikarik onenaren eta oroitarazleenaren ondoan, jazzaren askatasuna, parranda balkaniarra, tangoa eta Mediterraneoko lurrinak izango ditugu.
Dead Bronco getxotarrek "broncobilly" delako soinua joko dute, Estatu Batuetako musika erroetan oinarritutako musika, eta country, folk, punk, bluegrass eta rockabilly erritmoak uztartzen dituena.
Desfile handia
19:30ean kale banden desfilea hasiko da Bizkaiko Zubiko plazatik. Horretan honako talde hauek parte hartuko dute: Reading Pipe Band (Eskozia), Mariachi Imperial Elegancia Mexicana (Mexiko), Agurra Dantza Taldea (Algorta), Etorkinen Plataforma (Getxo udalerria) eta Mamiki Batukada (Bilbo).
Jatorri anitzeko musikariek osatutako Yacine & The Oriental Groove taldeak fusio mediterraneoko doinuak gerturatuko ditu gaur, larunbatean, Getxoko Nazioarteko Folk Jaialdiaren 29. ediziora. Kontzertua Areetako Xake plazan izango da, 21:00etatik eta, horrezaz gain, beste bi saio egongo dira: 19:00etan, Trivim Klezmer ariko da; eta 23:00etan, Dead Bronco bertoko banda. Umeek goizean gozatzeko aukera izan dute, Titiriteros de Binéfar taldeari so. Yacine Belahcene Benet, Cheb Balowski 90eko hamarkadako soinu “arabiar-balkandar-mestizoaren” banda mitikoaren sortzailea, Yacine & The Oriental Groove proiektuaren liderra da Yannis Papaioanou greziar laute-jotzailearekin batera. Biek soinu mediterraneoen amalgama interpretatzen dute, tradizioa eta hiri-nortasuna bateratuz. Taldeak askotariko jatorria duen musika interpretatzen du, raï soinuak, mendebaldeko popa, greziar melodiak… guztia pop, rock eta soinu elektronikoek ukituta, doinuei nortasun berezia emanez. Gaur taldeak 16 musikariren kolaborazioak izango ditu, besteak beste, Amel Zen, Iñigo Muguruza, Fran Lasuen, Xabi Solano eta Sergio "Patxuko" igoko direla taula gainera eta zubi bat eraikiko dutela Euskal Herriaren eta Greziaren artean, tartean Mediterraneo osoa zeharkatuz. Argazkian, Yacine & The Oriental Groove taldea / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun