Pasa den ostiraletik Xandra Villarren "Guztia Gardentasuna" izeneko arte lana ikusgai dago Deustuko zubiko aginte-etxolan. Gauzak horrela, EHUko Arte Ederren Fakultatearekin lotura duten 23 ikasle eta ikerlarik sortu eta garatu duten "Interbentzioak Deustuko zubian" proiektu artistikoaren zazpigarren erakusketaz gozatu ahal izango da irailaren 30ra arte. Paketatzeko eta informazioa edo objektu baliotsuak segurtatzeko erabiltzen den film beltzez neurri batean forratuta aurkeztu du Xandra Villarrek Deustuko zubiko etxola. Gauez, etxola argituko da, eta leihoetan esaldi bat ikusten da. Materialaren opakutasunaren inguruan ironiaz hitz egiten duen esaldi paradoxikoa da, gaur egungo errealitateari buruzko gogoeta agerian jarriko duena. “Gauean soilik barrualdea hauteman ahal izango duzu. Ikustean, pentsatu!”, esan du Villarrek. Argazkian, Xandra Villarren lana / © EHU.
Juan Pablo Orduñez "Mawatres" da proiektu horren sortzailea eta zuzendaria eta Arantza Lauzirika, EHUko Arte Ederren Fakultateko Artea eta Teknologia Saileko irakaslea, koordinatzailea. Ekimena, EHUko Bizkaiko Campuseko Errektoreordetzaren, Kontestua.org ikerketa-proiektuaren eta Bilboko Udalaren parte-hartzearekin gauzatzen dabil. Proiektuak, inguruak irentsitako iragan industrialaren elementua den Deustuko zubia berreskuratu nahi du hainbat interbentzio artistikoren eszenatoki bezala erabiltzeko. Proiektua irailera arte luzatuko da eta, hiru astero, interbentzio berri bat aurkeztuko da Deustuko zubia altxatzeko makinak dauden etxolan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun