Aipagarria izan zen Andoni Izagak egindako lana, txapelketa bikaina burutu baitzuen. Eta zumaiar gazteen maila ikaragarria ere aipamen berezi bat merezi dute, Alex Uranga eta Alex Odriozola esaterako. Azkeneko horrek, tamalez, ezin izan zuen finalera iritsi. Bertakoek ere ez ziren atzean geratu, nahiz eta Antonio Ortiz bakarrik finalera iritsi. Aritz Larrinagak final laurdenetan eta David Pérez final aurrekoetan kanporatuak izan ziren, Antonio Ortiz eta Andoni Izagaren aurrean. "Bestalde, Diego Cabrerari eskerrak eman beharko genioke Kanariak irlatik etortzeagatik gure zirkuituan parte hartzeko", adierazi du EKFBk.
Dropknee mailako finalean, Alex Castañeda izan zen berriz ere garailea. Nahiz eta lehiakide gogorrak izan; Aritz Aizpurua, besteak beste. 18 urte azpikoen mailan irabazlea Gontzal Bilbao bakiotarra izan zen. "Dudarik gabe, izen hau behin baino gehiagotan entzungo dugu. Eta Zirkuituaren txapela eskuratzeko aukera asko ditu, bi frogetan lehen postua eskuratu baitu", antolatzaileen arabera.
Aipagarriak izan ziren ere Jorge Naberan, Unai Granados eta Ignacio Ugaldek egindako lana. Open mailako txapela, Iñigo Gainzarain donostiarrak eskuratu zuen; honek ere azkeneko bi txapelketetan irabazlea izan da. Alex Uranga bigarren postuan geratu zen, Andoni Izaga hirugarren eta sopeloztarra den Antonio Ortizek laugarren.
Open Body
1. Iñigo Gainzarain (Donostia)
2. Alex Uranga (Ziske)
3. Andoni Izaga (Ziske)
4. Antonio Ortiz (PTX)
5. David Pérez (PTX)
6. Diego Cabrera (Kanariar Irlak)
7. Alex Odriozola (Ziske)
8 Alex Sebastian (Sopela)
Body Sub 18
1. Gontzal Bilbao (Bakio)
2. Jorge Naberan (BST)
3. Unai Granados (Ziske)
4. Ignacio Ugalde
5. Gorka Aginaga
6. Unai Zubizarreta (Orio)
7. Aitor Etxebarria
8. Mikel Atxega
Drop Knee
1. Alexander Castañeda (GST)
2. Aritz Aizpurua
3. Gorka Aresti.
4. Julen De Diego
5. Tony Leguern (Frantzia)
6. Ander Remiro
7. Alex Odriozola (Ziske)
8. Beñat Bidegain
Larunbatean, irailak 7, Sopelako Atxabiribil hondartzan Euskal Bodyboard Zirkuituaren bigarren froga jokatu zen. Nahiz eta eguraldi euritsua izan, metro bateko olatuak izan ziren goizeko lehen orduetatik. "Hala ere, arratsaldeko 16:00ak aldera, marearen igotzeak olatuen zuzenbidea hobetu egin zuen, eta maniobra ikaragarriak ikusi genituen", adierazi dute Euskal Kirol Federazioen Batasuneko (EKFB) iturriek. Open mailako final zortzirenak eta 18 urte azpikoen mailako final laurdenen ondoren atsedenaldi bat egitea erabaki zen, eta horrela itsasoaren kondizioak hobetzen ziren edo ez itxaron zuten. Olatuek eta haizeak jarraitzen zutela ikustean, Open mailako final laurdenekin jarraitzea erabaki zen. Azkenik, itsasoaren baldintza egokiak ikusita txapelketa osoa burutzea erabaki zen; eta jardunaldi bakarrean egitea. Argazkian, hainbat lagun bodyboarda praktikatzen / cc-by SURF&ROCK (Miguel Navaza).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun