TopaEguna ospatzeko Soraluze aukeratu izana ez da kasualitatea izan, Jasone Mendizabalen hitzetan. Izan ere, Deba bailarako euskaltzaleak aitzindari izan dira beti euskara elkarteen mugimenduan eta oraingoan ere, Deba ibaitik egin diote Euskal Herri osoari bertaratzeko gonbitea. Soraluzeko herritarrek TopaEgunean hartu duten funtzioa ere nabarmendu zuten Hiart Arluziaga Soraluzeko alkateak eta Goretti Goiogana Kukumixo aisialdi taldeko kideak. Soraluzeko herritarrek beti izan dute lotura handia euskaltzaletasunarekin eta auzolanarekin, eta TopaEgunaren bi ardatz nagusiak horiek izango direla kontuan hartuz, herriko hainbat erakunde eta eragilek hartuko dute parte egunaren antolakuntzan (asialdi elkarteak, elkarte gastronomikoek, herriko eskolak, musikariek eta gazte taldeek, besteak beste).
Egitaraua
Egitarauak adin guztientzako eskaintza izango duela azaldu zuen Arrate Gisasolak. Eguneko ekitaldi nagusia arratsaldeko seietatik aurrera egingo da, bertan Euskal Herri osoko euskaltzaleen topaguneetako ordezkariek parte hartuko dutelarik. Hortaz gain, aisialdiko eskaintza (umeen hiria, hezitzaileen jolasak, berbaprobak, Irrien Lagunak,…), kultur eskaintza (Xero Xiette taldearen erromeria, Kokein eta Gose taldeen kontzertua, bertsolariak, andrabanda feminista,…) eta herri bazkaria antolatu dira. Gainera, Jon Sarasuak irailaren bukaeran argitaratuko duen liburu berriaren aurkezpena egingo du Kultur Etxean.
Xero Xiette taldeak prestatu du egunerako kantua.
Euskal Herriko euskaltzale guztiei egin diete dei antolatzaileek irailaren 28an Soraluzen bildu daitezen.
Egitaraua eta bazkarirako izen ematea ondoko loturan: TopaEguna
Irailaren 28an Soraluzen ospatuko den TopaEguna aurkeztu zuten atzo Donostian Soraluzeko Pil-Pilean euskara elkarteak eta Euskaltzaleen Topaguneak. Deba bailarako euskara elkarteek eta Euskaltzaleen Topaguneak antolatutako egunaren aurkezpenean Arrate Gisasola Pil-Pilean elkarteko eragileak eta Jasone Mendizabal Topaguneko zuzendariak parte hartu zuten, eta beraiekin batera izan ziren Soraluzeko alkate Hiart Arluziaga eta Kukumixo aisialdi taldeko Goretti Goiogana ere. TopaEguna Euskaltzaleen jaieguna izatea nahi dutela azpimarratu zuten antolatzaileek. Egunak, euskaltzaleen ekarpenaren eskertze eta aldarrikapena izan nahi du, baina baita ospakuntza ere, Euskal Herri osoan zehar, elkarteetan antolatuta dauden euskaltzaleen festa eguna, elkar ezagutza eta trukerako eguna. Dagoeneko dozena erdi dira Topagunean parte hartzen duten Uribe Kosta eta Erandioko euskaldunen elkarteak: Berbalamiñe, Berbots, Bizarra Lepoan, Boluntzarreta, Egizu eta UKBERRI.NET argitaratzen duen Ukberri Uribe Kostako Komunikabide Euskaldunak elkartea. Argazkian, Egizu Getxo Euskaldun! egitasmoko kide batzuk berbalagunek ospatu ohi duten Mintza Egunetako batean / cc-by Egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun