Ikasturte berria gogotsu hasteko aukera izango dute Sopelako neska-mutilek larunbat honetan, irailak 14. Izan ere, egun horretan ospatuko da Duatloi Txikiaren bigarren edizioa, Hirubi Triatloi Elkarteak eta Sopelako Udalak antolatuta. Izena emateko epea bihar, osteguna, amaituko da, eta dagoeneko ehun lagunek baino gehiagok eman du izena proba honetan parte hartzeko. Beraz, bigarren edizio honetan Duatloi Txikia egonkortu egin dela esan daiteke. Aurten 10:30ean hasiko da proba, udaletxe plaza alboko Ripa kaletik, eta txikiek atletismoan eta txirrindularitzan aritu ahal izango dira. Parte hartzaileek bizikleta eta kaskoa eraman beharko dute, eta gurasoen baimena aurkeztu. Probaren lehenengo zatia korrika egin beharko dute, geroago bizikletak hartu eta amaitzeko berriro tipi-tapa lasterka eginez. Argazkian, Hirubi Triatloi Elkarteak antolatutako beste duatloi bat, artxiboko irudian / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun