Bestalde, Ongi Etorri bideragarria izan dadin hilean 15 euro jartzeko prest dauden 60 pertsona, familia, elkarte, kuadrila... behintzat behar direla adierazi dute euskaldunon topaguneko arduradunek. "Azaro arteko epea daukagu bazkide kopuru hau lortzeko, oraingoz 30 gara... mesedez posible baduzu lagundu informazio hau zure ingurukoen artean zabaltzen", azaldu dute. Udondo eta Ondizeko jaietan mahai bat jarriko dute informazioa zabaltzeko eta ordurako udazkeneko agenda ere eginda egongo da. "Zalantzarik, iradokizunik, ekarpenik... edukiz gero, jarri zaitez gurekin kontaktuan posta edo telefono bidez", amaitu dutenez.
Body balance ikastarorako izen-emate orria (pdf)
Urritik urtarrilera bitartean body balance hastapen ikastaroa antolatu du Ongi Etorri Leioako euskaltzaleon topalekuak. Iturribide kaleko 7. zenbakiko lokalean (Kultur Leioa alboan) egingo dute, guztien artean adostutako egun eta ordutegian. Dagoen leku kopurua mugatua da, jakinarazi dutenez. Horrenbestez, interesatuta dauden guztiek lehenbailehen bidali beharko dute izen-emate orria bizizberritzen[abildua]gmail.com helbidera. Informazio gehiago nahi izanez gero 688 620 147 telefono zenbakira dei daiteke. Ongi Etorriko bazkideek 5 euro ordaindu beharko dituzte eta gainontzekoek bikoitza. Body balance gorputz eta buruaren entrenamendua da, yoga, tai ji, pilates metodotan oinarrituta dagoena. Hartara, beharrezkoa da arropa erosoa eta esterila bat eramatea. Argazkian, solasaldia Ongi Etorri topalekuan / © Ongi Etorri Leioa BiziZberritzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun